09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Աթենքն արձագանքել է Էրդողանի հնչեցրած սպառնալիքներին
Քաղաքականություն
10.06.2022 | 15:15
Հունաստանը հերքել է Թուրքիայի նախագահ Ռեջեփ Թայիփ Էրդողանի նոր հայտարարություննեը, որը կրկնել էր Աթենքին ուղղված կոչերը՝ դադարեցնել զինել Արևելյան Էգեյան ծովի կղզիները, որոնք, ըստ նրա, ապառազմականացված կարգավիճակ ունեն, գրում է ekathimerini-ն։
«Անհիմն պնդումներն ու առասպելները չեն կարող ո՛չ մարտահրավեր նետել, ո՛չ էլ, առավել ևս, փոխարինել միջազգային իրավունքին և միջազգային պայմանագրերին։ Բացարձակապես ոչինչ չի կարող որևէ կերպ վնասել մեր ինքնիշխան իրավունքներին և մեր ազգային ինքնիշխանությանը։ Այդ իսկ պատճառով մենք կոչ ենք անում Թուրքիային՝ դադարեցնել իր սադրիչ մարտավարությունը և գիտակցել, որ միակ ճանապարհը պատասխանատու և ազնիվ խոսելն է՝ միջազգային իրավունքի համատեքստում»,- ասել է Հունաստանի կառավարության խոսնակ Գիաննիս Օիկոնոմուսը։
Հիշեցնենք, որ նախօրեին Թուրքիայի նախագահ Էրդողանը կրկին սպառնացել էր Հունաստանին։
«Թուրքիան հետ չի կանգնի Էգեյան տարածաշրջանում իր իրավունքներից, իսկ կղզիների «ապառազմականացման» հարցում պատրաստ է բոլոր քայլերը ձեռնարկել՝ հիմնված միջազգային պայմանագրերի վրա։ Դադարեցրե՛ք կղզիներում զենքի տեղակայումը: Ես չեմ կատակում»,- հայտարարել էր նա։
Էմմա Չոբանյան
