09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Էրդողանը հաստատել է Սիրիայում նոր ռազմական գործողություն սկսելու՝ Թուրքիայի վճռականությունը
Քաղաքականություն
09.06.2022 | 17:01
Թուրքիայի նախագահ Ռեջեփ Թայիփ էրդողանը հայտարարել է, որ Անկարան վճռական է տրամադրված՝ Սիրիայում ավարտին հասցնել «անվտանգության միջանցքի ստեղծումը» երկրում նախատեսված ռազմական գործողության ընթացքում, գրում է ՏԱՍՍ-ը։
«Մենք քայլ առ քայլ գործնականում իրագործում ենք մեր վճռականությունը՝ վերահսկողության տակ վերցնելու մեր սահմանների մոտ 30 կմ-անոց անվտանգության գոտին»,- ասել է Էրդողանը ելույթ ունենալով «Էֆես 2022» զորավարժությունների ընթացքում։
Նա նաև նշել է, որ Թուրքիան իր սահմաններին «ահաբեկչական միջանցքների» ստեղծում թույլ չի տա։
«Այդ նպատակով մենք անպայման կփակենք մեր անվտանգության մնացյալ մասերը»,- ասել է Թուրքիայի նախագահը։
Էրդողանը ավելի վաղ ևս հայտարարել էր, որ Թուրքիան նոր ռազմական գործողության է դիմելու Սիրիայում։ Տեղական լրատվամիջոցների հաղորդմամբ՝ Թուրքիայի բանակն ավարտել է գործողության նախապատրաստական աշխատանքները և սպասում է մեկնարկի հրամանի։
Էմմա Չոբանյան
