09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ուկրաինայում պատերազմի մեկնարկից ի վեր շուրջ 480 քրեական գործ է հարուցվել պետական դավաճանության համար
Քաղաքականություն
09.06.2022 | 18:14
Ռուսաստանի կողմից Ուկրաինա լայնամասշտաբ ներխուժման մեկնարկից ի վեր Հետաքննությունների պետական բյուրոն հարուցել է շուրջ 480 քրեական գործ պետական դավաճանության և հակառակորդի հետ համագործակցության համար։ Այս մասին ուկրաինական հեռուստալիքների եթերում հայտարարել է բյուրոյի հաղորդակցության հարցերով խորհրդական Տատյանա Սապյանը, գրում է ukrinform-ը։
«Պատերազմի մեկնարկից ի վեր մոտ 480 գործ է հարուցվել պետական դավաճանության ու կոլաբորացիոնիզմի համար, ևս 100 դեպքի մասով նյութեր են փոխանցվել, արդեն իսկ կան առաջին վճիռները»,-ասել է Սապյանը։
Նրա խոսքով՝ դատավճիռներ կան Ուկրաինայի զինված ուժերի երեք նախկին զինվորականների նկատմամբ, որոնք 2014 թվականին ծառայության չեն ներկայացել Ղրիմի գրավման ժամանակ, այնուհետ պայմանագիր են կնքել ռուսական բանակի հետ, իսկ այս տարվա փետրվարին վերադարձել են պայքարելու ուկրաինացիների դեմ։
Պաշտոնյան նաև նշել է, որ բյուրոյի աշխատակիցները պետական դավաճանության փաստով քրեական գործ են հարուցել Սվյատիգորսկի քաղաքապետի նկատմամբ։
Էմմա Չոբանյան
