22.04.2026 | 22:45
Թուրք լրագրողի համար դատախազությունը պատիժ է պահանջում է` հայ երիտասարդների հետ Ցեղասպանության հետ կապված զրույցի համար
«Հունաստանում ամերիկյան 9 ռազմաբազա կա, ո՞ւմ դեմ են դրանք տեղակայված»․ Էրդողանը կրկին դժգոհել է
Քաղաքականություն
09.06.2022 | 15:29
Թուրքիայի նախագահ Ռեջեփ Թայիփ Էրդողանը նախօրեին Անկարայում Վենեսուելայի նախագահ Նիկոլաս Մադրուրոյի հետ մամուլի ասուլիսում կրկին բողոքել է Հունաստանից ու մի շարք հայտարարություններ հնչեցրել։ Թուրքական լրատվամիջոցների հաղորդմամբ՝ նա նշել է, որ Անկարան չի ցանկանում կրկնել նախկին սխալները, այս անգամ՝ ՆԱՏՕ-ին Շվեդիայի և Ֆինլանդիայի անդամակցության հարցում, ինչպես ժամանակին դա եղել է Հունաստանի ու Ֆրանսիայի դեպքում։
«Հունաստանը դուրս եկավ ՆԱՏՕ-ից, նրանք, որոնք մեզանից առաջ էին, թույլ տվեցին նորից մտնել ՆԱՏՕ, Ֆրանսիան նորից մտավ։ Ի՞նչ եղավ, որտե՞ղ են հիմա 5+4՝ 9 ամերիկյան բազաները։ Դրանք հիմնավորվել են Հունաստանում։ Ո՞ւմ դեմ են տեղակայված։ Նրանք ասում են՝ Ռուսաստանի դեմ, սակայն ոչ ոք դրան չի հավատում»,- ասել է Էրդողանը։
Նա դժգոհել է, որ չնայած Հունաստանի պարտքերին՝ եվրոպական երկրները, որոնց անունը չի նշել, Աթենքին լրջագույն զենք, ինքնաթիռներ, ուղղաթիռներ են տալիս։ Նման աջակցություն է ցուցաբերում նաև ԱՄՆ-ն։
Բացի այդ, Էրդողանը կրկին բողոքել է Հունաստանի վարչապետից, որը ԱՄՆ Կոնգրեսում իր ելույթում Թուրքիայի դեմ հայտարարություններ էր հնչեցրել։
Էմմա Չոբանյան
