08.06.2026 | 14:30
Ուկրաինայի Գերագույն ռադայի նախագահը շնորհավորել է Ալեն Սիմոնյանին ընտրություններում տարած հաղթանակի առիթով
Իրավական կարգավորում չկա, թե ինչ կարգավիճակով են գործելու տրանսպորտային ուղիները․ փոխնախարար. ՏԵՍԱՆՅՈւԹ
Տնտեսություն
08.06.2022 | 20:13
Իրավական կարգավորում չկա, թե ինչ կարգավիճակով են գործելու տրանսպորտային ուղիները։ Այս մասին FactorTV-ի հետ զրույցում ասաց տրանսպորտի և կապի փոխնախարար Արմեն Սիմոնյանը՝ անդադառնալով տարածաշրջանային տրանսպորտային կապերի ապաշրջափակման վերաբերյալ հարցին:
«Կան միջազգային կոնվենցիաներ և կա ազգային օրենսդություն, հիմնականում այդ շրջանակներում պետք է իրականացվի գործընթացը: Այդ նորմատիվային ակտերը գործում են թե՛ երկաթուղային տրանսպորտի և թե՛ ավտոմոբիլային տրանսպորտի ոլորտներում»,- նշեց փոխնախարարը:
Հարցին, թե արդյոք գործնական քայլեր արդեն արվել են, Սիմոնյանը պատասխանեց. «Գործնական քայլեր կարվեն, երբ որ իրավական փաստաթուղթ կլինի»:
Նշենք, որ Մոսկվայում երրորդ անգամ են հանդիպել Հայաստանի, Ռուսաստանի ու Ադրբեջանի փոխվարչապետերը։ Ըստ ռուսական կողմի հաղորդագրության՝ Բաքուն և Երևանը մերձեցրել են իրենց մոտեցումները։ Հայաստանի կառավարության հաղորդագրության համաձայն՝ քննարկվել է տրանսպորտային ուղիների ապաշրջափակման վերաբերյալ Հայաստանի, Ռուսաստանի ու Ադրբեջանի ղեկավարների պայմանավորվածությունների կատարման ուղղությամբ աշխատանքը:
Մանրամասները՝ տեսանյութում:
