28.06.2026 | 18:42
Սաուդյան Արաբիայում ուղղաթիռի կործանման հետևանքով 14 մարդ է զոհվել
ՌԴ Պետդուման ընդունել է ՄԻԵԴ-ի վճիռները չկատարելու մասին օրենքը
Քաղաքականություն
07.06.2022 | 16:56
ՌԴ Պետդուման ընդունել է օրենքներ, ըստ որոնց՝ մարտի 15-ից հետո Մարդու իրավունքների եվրոպական դատարանի (ՄԻԵԴ) վճիռները չեն կատարվի Ռուսաստանում և կդադարեն հիմք հանդիսանալ ռուսական դատարանների որոշումների վերանայման համար, գրում է ՌԻԱ Նովոստին։
Միաժամանակ, Գլխավոր դատախազությունը մինչև 2023 թվականի հունվարի 1-ը կկարողանա դրամական փոխհատուցում վճարել դիմողներին ՄԻԵԴ-ի՝ մինչև մարտի 16-ը կայացրած որոշումների հիման վրա։
Ավելի ուշ այս փաթեթը սատարել է նաև Դաշնային խորհրդի սահմանադրական օրենսդրության ոլորտային հանձնաժողովը։ Ակնկալվում է, որ խորհրդարանի վերին պալատն օրենքները կքննարկի հունիսի 8-ին կայանալիք լիագումար նիստում:
Հիշեցնենք, որ մարտի 15-ին Մոսկվան պաշտոնապես հայտարարել էր ԵԽ-ից և Մարդու իրավունքների եվրոպական կոնվենցիայից դուրս գալու մասին՝ հայտարարելով, որ կկատարի ՄԻԵԴ-ի որոշումները, եթե դրանք համապատասխանեն երկրի Սահմանադրությանը։ Այնուհետև ԵԽԽՎ-ն միաձայն բանաձև է ընդունել, որ ՌԴ-ն չի կարող լինել խորհրդի անդամ։ Մարտի 16-ին Ռուսաստանի անդամակցությունը դադարեցնող որուշում ընդունեց Նախարարների կոմիտեն։
Էմմա Չոբանյան
