20.08.2026 | 10:33
5 հայ մարմնամարզիկներ ԵԱ-ի եզրափակիչում են
Նոր Զելանդիան պատժամիջոցներ է սահմանել «Գազպրոմի», ռուսական և բելառուսական մի շարք ընկերությունների դեմ
Քաղաքականություն
07.06.2022 | 15:53
Նոր Զելանդիայի կառավարությունը հայտարարել է «Գազպրոմի» և մի շարք այլ ռուսական պետական ձեռնարկությունների ու պաշտպանական կառույցների դեմ պատժամիջոցների կիրառման նոր փաթեթի մասին։ Այս մասին հայտարարել է երկրի ԱԳ նախարար Նանաիյա Մահուտան, գրում է ՏԱՍՍ-ը։
«Ընկերությունները, որոնց դեմ պատժամիջոցներ են կիրառվում, վերահսկվում են Պուտինի կառավարության կողմից և ունեն ռազմավարական նշանակություն Ռուսաստանի համար»,- հայտարարությունում ասել է Մահուտան՝ նշելով, որ պատժամիջոցների նոր ցուցակում ներառվել են 38 ռուսական և 6 բելառուսական ընկերություններ։
Նա նշել է, որ նոր պատժամիջոցների տակ է հայտնվել ռուսական խոշորագույն ու եկամուտների հիմնական աղբյուր «Գազպրոմ» ընկերությունը։
«Մենք նաև պատժամիջոցներ ենք սահմանել կազմակերպությունների դեմ, որոնք զենք են արտադրում և ստեղծում ռազմական ու պաշտպանական տեխնոլոգիաներ՝ հանդիսանալով Ռուսաստանի ռազմարդյունաբերական համալիրի մասը»,-ասել է նախարարը։
Մինչ օրս Նոր Զելանդիան պատժամիջոցներ է սահմանել Ռուսաստանի ավելի քան 650 քաղաքացիների, այդ թվում՝ նախագահ Վլադիմիր Պուտինի և ՌԴ Պետդումայի պատգամավորների, ինչպես նաև երկրի 93 խոշորագույն ձեռնարկությունների և կազմակերպությունների դեմ։
Էմմա Չոբանյան
