28.06.2026 | 18:55
Վթարված մեքենայում հայտնաբերվել է նախկին նախարար Գագիկ Ստամբուլցյանի մարմինը
Էրդողանը Ստոկհոլմից պահանջում է պաշտոնանկ անել Շվեդիայի պաշտպանության նախարարին․ Expressen
Քաղաքականություն
06.06.2022 | 21:30
Թուրքիայի նախագահ Ռեջեփ Թայիփ Էրդողանը հայտարարել է, որ Շվեդիայի վարչապետ Մագդալենա Անդերսոնը պետք է պաշտոնանկ անի թագավորության պաշտպանության նախարար Պիտեր Հուլտքվիստին։ Այդ մասին գրում է Expressen-ը՝ վկայակոչելով իր աղբյուրներին, փոխանցում է Gazeta-ն։
Նշվում է, որ Էրդողանի պահանջը կապված է նրա հետ, որ մոտ 10 տարի առաջ Հուլտքվիստը, իբր, «փառաբանել է Քուրդիստանի աշխատավորական կուսակցությանը և նրա բանտարկված առաջնորդ Աբդուլլահ Օջալանին»։
«Էրդողանը ցանկանում է, որ Հուլտքվիստը հեռացվի պաշտպանության նախարարի պաշտոնից»,- ասել է լրատվամիջոցի աղբյուրը՝ հավելելով, որ այդ հարցը քննարկվել է Սկանդինավյան երկրի՝ ՆԱՏՕ-ին անդամակցելու շուրջ Շվեդիայի և Թուրքիայի ներկայացուցիչների միջև բանակցությունների ընթացքում։
Ավելի վաղ, Էրդողանը հայտարարել էր, որ Շվեդիան և Ֆինլանդիան չեն միանա ՆԱՏՕ-ին, մինչև չկատարեն Անկարայի պահանջները և դադարեն աջակցել «քուրդ ահաբեկիչներին»։
Էմմա Չոբանյան
