22.04.2026 | 23:30
ՀՀ տարածքում ավտոճանապարհները հիմնականում անցանելի են
Իլոն Մասկը նախազգուշացրել է Twitter-ի 44 միլիարդ դոլար արժողությամբ գործարքից հրաժարվելու մասին
Քաղաքականություն
06.06.2022 | 20:55
Իլոն Մասկը նախազգուշացրել է, որ կարող է հրաժարվել Twitter-ը ձեռք բերելու՝ 44 միլիարդ դոլար արժողությամբ գործարքից, եթե սոցցանցը չտրամադրի տվյալներ սփամի և կեղծ հաշիվների մասին։ Այս մասին ասվում է ընկերությանն ուղղված նրա նամակում, գրում է Hindustan times-ը։
Նամակում ասվում է, որ Twitter-ը «բացահայտ խախտում է» իր պարտավորությունները, և որ Մասկն իրեն վերապահում է բոլոր իրավունքները՝ խզելու պայմանագիրը:
Մասկը կարծում է, որ Twitter-ը հրաժարվում է կատարել համաձայնագրով նախատեսված իր պարտավորությունները, ինչը լրացուցիչ կասկածներ է առաջացնում, որ ընկերությունը թաքցնում է պահանջվող տվյալները՝ մտահոգված լինելով, թե Մասկի սեփական վերլուծությունն այդ տվյալների վերաբերյալ բացահայտումներ կանի։
«Մասկը կարծում է, որ ընկերությունն ակտիվորեն դիմադրում և խափանում է իր՝ տեղեկատվություն ստանալու իրավունքները»,- ասվում է Մասկի փաստաբանների նամակում։
Էմմա Չոբանյան
