16.01.2025 | 23:06
Ստամբուլի ընդդիմադիր քաղաքապետը Թուրքիայի իշխանություններին կոչ է արել իրեն դատել և հանգիստ թողնել իր կուսակցությանը
Հայկական առաջին արբանյակը կապ է հաստատել Երկրի հետ. ենթահամակարգերն աշխատում են անխափան
06.06.2022 | 17:59
Իսպանական SATLANTIS ընկերությունը հայտարարություն է տարածել առաջին հայկական արբանյակը՝ «Ուրդանետա»-ն Տիեզերք ուղարկելու վերաբերյալ՝ նշելով, որ իրենք հպարտ են համագործակցելու Հայաստանի հետ:
«Արմենպրես»-ի փոխանցմամբ, ընկերության տնօրեն Ժան-Ժակ Դորեյնը մասնավորապես նշել է. «Հպարտ ենք տեղափոխել Armsat-1 անունով հայտնի մեր «Ուրդանետա» արբանյակ, որն առաջին հայկական ռազմավարական արբանյակն է: Մենք կաջակցենք կառավարության որոշումներին՝ ստեղծելով աշխատատեղեր, տաղանդներ ու արտադրանք»:
ԱՄՆ Կանավերալ հրվանդանից արբանյակի հաջող արձակումից հետո SATLANTIS-ը հայտարարել է հայկական պետական «Գեոկոսմոս» ընկերության հետ համաձայնագիր կնքելու մասին, որով ընկերությանը տրամադրվում է Երկրի դիտարկման լիարժեք համակարգ:
«Ուրդանետա»-ն, որը ստացել է աշխատանքային ARMSAT-1 անվանումը, ունի 2մ օպտիկայի տարածքային թույլատվությունը: SATLANTIS-ից նշել են, որ հայկական կողմի հետ ունեցած համաձայնագիրը դրականորեն կազդի հայաստանյան էկոհամակարգի վրա՝ ավելացնելով ոլորտային մասնագետների ու ինժեներների թիվը:
Նշվում է, որ հաջող մեկնարկից հետո առաջին հայկական արբանյակը լավ վիճակում է ու պատրաստ առաջիկա 4 տարիների ընթացքում կատարելու իր աշխատանքը: Մայիսի 26-ին ARMSAT-1-ն առաջին կապն է հաստատել Երկրի հետ, արբանյակի բոլոր ենթահամակարգերն անխափան վիճակում են:
Արբանյակի առաքելության մանրամասներն ու առաջին արդյունքները ներկայացվելու են Երևանում՝ սեպտեմբերին անցկացվող «Սթարմուս» փառատոնի շրջանակում:
