20.08.2026 | 10:49
Ռումինիայում ԱԹՍ է ընկել Ուկրաինայի վրա ռուսական հարձակման ժամանակ
ՌԴ-ն չի կատարի մարտի 15-ից հետո ՄԻԵԴ-ի կայացրած վճիռները, եվրադատարանի որոշումները չկատարելու օրենք կընդունվի․ Վոլոդին
Քաղաքականություն
06.06.2022 | 17:33
ՌԴ Պետդուման այս շաբաթ քննարկելու է Մարդու իրավունքների եվրոպական դատարանի (ՄԻԵԴ) որոշումները չկատարելու մասին օրինագիծը։ Այս մասին հայտնել է Պետդումայի նախագահ Վյաչեսլավ Վոլոդինը, գրում է ՏԱՍՍ-ը։
«ՄԻԵԴ-ը դարձել է մեր երկրի դեմ քաղաքական պայքարի գործիք արևմտյան քաղաքական գործիչների ձեռքում: Նրա որոշ որոշումներ ուղղակիորեն հակասում են Ռուսաստանի Դաշնության Սահմանադրությանը, մեր արժեքներին, ավանդույթներին: Մենք նախատեսում ենք այս շաբաթ ընդունել դաշնային օրենքներ ՄԻԵԴ-ի որոշումները չկատարելու մասին»,- թելեգրամյան իր ալիքում գրել է Վոլոդինը։
Նա հիշեցրել է, որ երկրորդ ընթերցման համար առաջարկվել են մի շարք կարևոր փոփոխություններ։ Մասնավորապես, չեն կատարվելու ՄԻԵԴ որոշումները, որոնք ընդունվել են 2022 թվականի մարտի 15-ից հետո, իսկ մինչև մարտի 15-ն ուժի մեջ մտած ՄԻԵԴ-ի որոշումներով դրամական փոխհատուցման վճարումները կատարվելու են միայն ռուբլով և միայն ռուսական բանկերի հաշիվներին։
«Բացի այդ, ՌԴ դատարանների որոշումները կունենան գերակայություն ՄԻԵԴ որոշումների նկատմամբ»,- հավելել է Վոլոդինը։
Էմմա Չոբանյան
