16.04.2026 | 23:27
Ինչ իրավիճակ է Հայաստանի ճանապարհներին և Լարսում
ՌԴ-ն զրկվել է մարմնամարզության Եվրոպայի առաջնությունն անցկացնելու իրավունքից
Քաղաքականություն
03.06.2022 | 16:48
Ռուսաստանը զրկվել է 2023 թվականին գեղարվեստական մարմնամարզության Եվրոպայի առաջնությունն անցկացնելու իրավունքից, գրում է pravda.com.ua-ն։
Մարմնամարզության եվրոպական միության հաղորդագրության մեջ ասվում է, որ եվրոպական պատժամիջոցները կխանգարեն Ռուսաստանին կատարել 2023 թվականի Եվրոպայի առաջնությունն ընդունելու իր պարտավորությունները։ Ըստ այդմ, վերսկսվել է այլ երկրի ընտրության ընթացակարգը, որտեղ կարող են անցկացվել մարզական մրցումները։
Ռուսաստանը վերջին անգամ եվրոպական մրցաշարն ընդունել էր 2012 թվականին: Առաջնությունն անցկացվել էր Նիժնի Նովգորոդում։
2020 թվականին Եվրոպայի առաջնությունն ընդունել էր Կիևը։
Հիշեցնենք, որ հունիսի 15-ին էլ Թել Ավիվում մեկնարկում է Եվրոպայի այս տարվա առաջնությունը։
Էմմա Չոբանյան
