06.11.2024 | 18:12
Նիկոլ Փաշինյանը աշխատանքային այցով մեկնել է Բուդապեշտ
Կիևը ՆԱՏՕ-ին առաջարկում է Ուկրաինային ընդունել որպես ոչ պաշտոնական անդամ
Քաղաքականություն
03.06.2022 | 15:49
Ուկրաինայի պաշտպանության նախարար Ալեքսի Ռեզնիկովը ՆԱՏՕ-ին առաջարկել է Ուկրաինային կազմակերպության ոչ պաշտոնական անդամակցության հնարավորությունը։ Այս մասին գրում է DW-ի ռուսական ծառայությունը։
Նրա խոսքով՝ Հյուսիսատլանտյան դաշինքը հունիսին կայանալիք գագաթնաժողովում, որը նվիրված է առաջիկա տասը տարիների ռազմավարությանը, պետք է դիտարկի Ուկրաինայի ընդունումը ոչ թե «դե յուրե», այլ «դե ֆակտո»։
«Ուկրաինան նույնպես կլինի ռազմավարության մաս, քանի որ մենք նույնպես ներառված ենք Եվրոպայի արևելյան, ՆԱՏՕ-ի երկրների արևելյան, ԵՄ-ի արևելյան թևում: Կարծում եմ՝ սա շահեկան իրավիճակ կլինի բոլոր երկրների համար»,- ասել է ուկրաինացի պաշտոնյան։
Միաժամանակ, Ռեզնիկովը ենթադրություն է հայտնել, որ Ուկրաինայում պատերազմը կձգձգվի։
«Ռուսական զինված ուժերը, առաջխաղացման փոխարեն, պաշտպանական դիրքեր են կառուցում երկրի հարավում գտնվող օկուպացված տարածքներում, հատկապես՝ Խերսոնում»,- ասել է նա։
