09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ուկրաինան մտադիր չէ ամերիկյան հրթիռներն օգտագործել ՌԴ տարածքին հարվածելու համար
Քաղաքականություն
03.06.2022 | 15:10
Ուկրաինան մտադիր չէ ԱՄՆ-ի կողմից մատակարարվող հրթիռային համակարգերն օգտագործել ՌԴ-ում օբյեկտներին հարվածելու համար։ Այս մասին թվիթերյան իր էջում հայտարարել է Ուկրաինայի նախագահի խորհրդական Միխայիլ Պոդոլյակը, գրում է ՌԲԿ-ն։
«Ուկրաինան չի ծրագրում հրթիռային համակարգերն օգտագործել Ռուսաստանում թիրախների վրա հարձակվելու համար»,- գրել է նա՝ նշելով, որ ուկրաինական կողմը հիմա պաշտպանվում է։
Պոդոլյակի խոսքով՝ ամերիկացիները տեղեկանալու են մատակարարվող ՀԿՌՀ-ի տեղակայման վայրերի մասին, իսկ ռուսական տարածքի վրա հարձակումների համար համակարգերն օգտագործելու մտադրության մասին տեղեկատվությունը «ռուսական հատուկ ծառայությունների քարոզչությունն է»։
Հունիսի 1-ին ԱՄՆ նախագահ Ջո Բայդենը հայտարարել էր Ուկրաինային 700 միլիոն դոլարի ռազմական օգնության ևս մեկ փաթեթի տրամադրման մասին, որը ներառում է նաև ամերիկյան HIMARS բազմակի հրթիռային համակարգերը և դրանց համար արկերի մատակարարումը։
Էմմա Չոբանյան
