28.07.2026 | 18:49
ԵՄ-ն կանչել է ՌԴ գործերի ժամանակավոր հավատարմատարին՝ ԱԹՍ-ներով Ռումինիայի օդային տարածքը խախտելու միջադեպի պատճառով
ՄԱԿ-ը փոխել է Թուրքիայի միջազգային անվանումը
Քաղաքականություն
02.06.2022 | 11:55
ՄԱԿ-ը բավարարել է Թուրքիայի պաշտոնական դիմումը՝ երկրի անվանումն օտար լեզուներով Türkiye-ով փոխելու վերաբերյալ։ Այս մասին «Անադոլու» գործակալությանը հայտնել է ՄԱԿ-ի մամուլի քարտուղար Ստեֆան Դյուժարիկը։
Նրա խոսքով՝ ՄԱԿ-ի գլխավոր քարտուղար Անտոնիո Գուտերեշը անվանափոխության մասին ծանուցումը ստացել է Թուրքիայի ԱԳ նախարարից։ Դյուժարիկը հայտարարել է, որ երկրի անվան փոփոխությունն ուժի մեջ է մտնում նամակի ստացման պահից։
Այսպիսով՝ այսուհետ Türkiye անվանումն է օգտագործվելու բոլոր միջազգային ֆորումներում և պաշտոնական փաստաթղթերում, որտեղ նախկինում օգտագործվել են Turkey, Turkei, Turquie և այլ անվանումներ։
Հիշեցնենք, որ Թուրքիայի ԱԳ նախարար Մևլութ Չավուշօղլուն նախօրեին էր հայտնել, որ Անկարան ՄԱԿ-ին պաշտոնական դիմում է ներկայացրել օտար լեզուներով երկրի անվանման գրությունը փոխելու համար։
Էմմա Չոբանյան
