Լրագրողական կազմակերպությունների պահանջը ոստիկանությունից․ լրագրողների նկատմամբ բիրտ ուժ է կիրառվել

01.06.2022 | 20:15

Լուրեր

14.04.2025 | 13:48

2300 տնտեսվարող պահանջում է Նիկոլ Փաշինյանից կասեցնել օրենքը․ ՓՄՁ ասոցիացիայի նախագահ Հակոբ Ավագյան. ՏԵՍԱՆՅՈՒԹ

14.04.2025 | 13:42

Ստվերում գործող հաշվապահներին օրինական դաշտ տարվա կեսից մի՛ բերեք. Հաշվապահների ասոցիացիայի նախագահ․ ՏԵՍԱՆՅՈՒԹ

14.04.2025 | 13:35

Թուրքիայից 4 անձ փորձել է ապօրինի հատել Հայաստանի հետ սահմանը․ նրանցից մեկը, ենթադրաբար, Արաքս գետն է ընկել և անհետացել

14.04.2025 | 13:30

Վաղն էլ ասելու են` էս ինչ մարզը չհանձնենք, պատերազմ է սկսվելու. Տիգրան Աբրահամյան․ ՏԵՍԱՆՅՈՒԹ

14.04.2025 | 13:25

Մարտուն Գրիգորյանը «Կինդեր սյուրպրիզ» դարձավ. Վահագն Ալեքսանյան․ ՏԵՍԱՆՅՈՒԹ

14.04.2025 | 13:22

Ակցիայի մասնակիցները փուչիկներ բաց թողեցին Դատախազության շենքի մոտ․ ՏԵՍԱՆՅՈՒԹ

14.04.2025 | 13:15

Արարատ Միրզոյան, ինչո՞ւ օկուպացված տարածքներից չխոսեցիք. Աննա Գրիգորյան․ ՏԵՍԱՆՅՈՒԹ

14.04.2025 | 13:11

Պահանջում ենք, որ գլխավոր դատախազը դուրս գա, պատասխան տա. արցախցի․ ՏԵՍԱՆՅՈՒԹ

14.04.2025 | 13:03

ԱԺ տարածքային կառավարման, ՏԻ, գյուղատնտեսության և ՇՄ պահպանության հարցերի հանձնաժողովի նիստը՝ ՈՒՂԻՂ

14.04.2025 | 13:02

ԱՄՆ-ն ու Իրանը միջուկային ծրագրի շուրջ բանակցությունները կշարունակեն Հռոմում ապրիլի 19-ին․ Axios

14.04.2025 | 12:56

Լեռնային շրջաններում այս գիշեր 30-40 սմ ձյուն կտեղա

14.04.2025 | 12:50

Ադրբեջանի ԶՈՒ-ն կրակ է բացել Սյունիքի Խնածախ բնակավայրի ուղղությամբ․ ՀՀ ՊՆ

14.04.2025 | 12:45

Անդրանիկ Քոչարյանը` իր հարցով էթիկայի հանձնաժողով ստեղծելու մասին․ ՏԵՍԱՆՅՈՒԹ

14.04.2025 | 12:34

ՊՆ փոխնախարարը՝ սահմանային կրակոցների մասին․ ՏԵՍԱՆՅՈՒԹ

14.04.2025 | 12:29

Ապրիլի 15-16-ը Թուրքիայում տեղի կունենա Սև ծովի անվտանգության գագաթնաժողով, որին ՌԴ պատվիրակություն չի մասնակցի

Բոլորը

Մի շարք լրագրողական կազմակերպություններ համատեղ հայտարարություն են տարածել ոստիկանների կողմից լրագրողների հանդեպ ֆիզիկական բռնություններ գործադրելու դեպքերի կապակցությամբ։

Հայտարարությունն ամբողջությամբ ներկայացնում ենք ստորև․

«Մայիսի 30-ին ՀՀ կառավարության 3-րդ մասնաշենքի մոտ ընդդիմադիր ուժերի կազմակերպած բողոքի ակցիայի ժամանակ ոստիկանները բիրտ ուժ են կիրառել «Իրավունք» թերթի լրագրող Հրանտ Սաֆարյանի նկատմամբ՝ հարվածելով ու գցելով նրան։ Բախումների ընթացքում իրավապահները ուժ են գործադրել նաև «YerkirMedia.am» լրատվական կայքի խմբագիր Վահե Սարգսյանի նկատմամբ՝ փորձելով նրան բերման ենթարկել: Երկու լրագրողներն էլ այդտեղ են եղել՝ ակցիան լուսաբանելու համար և կատարում էին իրենց մասնագիտական պարտականությունները։

Թեպետ ընդհարումների ժամանակ ոստիկանությունը չի կիրառում մահակներ, լուսաձայնային նռնակներ, ջրցան մեքենաներ և այլ հատուկ միջոցներ, այդուհանդերձ, իրավապահները զերծ չեն մնում անհամաչափ ուժի կիրառումից, մասնավորապես՝ ԶԼՄ ներկայացուցիչների գործունեությունը բռնությամբ խոչընդոտելուց։ Մինչդեռ, ոստիկանները պարտավոր են իրենց մասնագիտական պարտքը կատարող լրագրողների համար աշխատանքի անվտանգ պայմաններ ապահովել։

Խստորեն դատապարտելով հարձակումները լրատվամիջոցների ներկայացուցիչների նկատմամբ՝ մենք՝ նորքոստորագրյալ լրագրողական կազմակերպություններս, պահանջում ենք ՀՀ ոստիկանությունից․

ծառայողական քննություն իրականացնել և բացահայտել իրենց լիազորությունները չարաշահած ոստիկաններին, նրանց պատասխանատվության ենթարկել և այդ մասին իրազեկել հասարակությանը,
միջոցներ ձեռնարկել՝ ոստիկանության ծառայողների առավել հմուտ գործելաոճի, լրագրողի մասնագիտական գործունեության նկատմամբ հարգանք և հանդուրժողականություն ցուցաբերելու, զանգվածային միջոցառումների ժամանակ ԶԼՄ ներկայացուցիչների անվտանգության ապահովման համար։

ԽՈՍՔԻ ԱԶԱՏՈՒԹՅԱՆ ՊԱՇՏՊԱՆՈՒԹՅԱՆ ԿՈՄԻՏԵ
ԵՐԵՎԱՆԻ ՄԱՄՈՒԼԻ ԱԿՈՒՄԲ
ՄԵԴԻԱ ՆԱԽԱՁԵՌՆՈՒԹՅՈՒՆՆԵՐԻ ԿԵՆՏՐՈՆ
ԼՐԱԳՐՈՂՆԵՐԻ «ԱՍՊԱՐԵԶ» ԱԿՈՒՄԲ
ԻՆՖՈՐՄԱՑԻԱՅԻ ԱԶԱՏՈՒԹՅԱՆ ԿԵՆՏՐՈՆ
ԲԱԶՄԱԿՈՂՄԱՆԻ ՏԵՂԵԿԱՏՎՈՒԹՅԱՆ ԻՆՍՏԻՏՈՒՏ – ՀԱՅԱՍՏԱՆ
ՀԱՆՐԱՅԻՆ ԼՐԱԳՐՈՒԹՅԱՆ ԱԿՈՒՄԲ
«ԼՐԱԳՐՈՂՆԵՐ ՀԱՆՈՒՆ ԱՊԱԳԱՅԻ» ՀԿ
«ԼՐԱԳՐՈՂՆԵՐ ՀԱՆՈՒՆ ՄԱՐԴՈՒ ԻՐԱՎՈՒՆՔՆԵՐԻ» ՀԿ
ԳՈՐԻՍԻ ՄԱՄՈՒԼԻ ԱԿՈՒՄԲ
«ՖԵՄԻԴԱ» ՀԿ»