09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Դամասկոսը Սիրիայում Թուրքիայի գործողություններն «ագրեսիայի ակտ» է անվանել
Քաղաքականություն
30.05.2022 | 22:03
Թուրքիայի գործողությունները Սիրիայի տարածքում՝ ուղղված անվտանգության գոտու ստեղծմանը, ագրեսիայի ակտ են հանդիսանում։ Այս մասին ասվում է Սիրիայի ԱԳՆ-ի հայտարարության մեջ, գրում է ՏԱՍՍ-ը։
«Թուրքական ռեժիմի գործողությունները Սիրիայում, այսպես կոչված, «անվտանգության գոտու» ստեղծման համար, ամոթալի ագրեսիա են և էթնիկ ու աշխարհագրական զտման քաղաքականություն, որն անցկացվում է սիրիական գրավյալ տարածքներում Ռեջեփ Թայիփ Էրդողանի կառավարության կողմից։ Այն ռազմական հանցագործություն է և հանցագործություն մարդկության դեմ»,- ասվում է հայտարարության մեջ։
Նշվում է, որ Սիրիայի ինքնիշխանությունն ու տարածքային ամբողջականությունը Թուրքիայի և Արևմուտքի միջև սակարկության առարկա չեն դառնա։
ԱԳՆ-ի հայտարարության մեջ նաև նշվում է, որ սիրիական կողմը պնդում է իր անօտարելի իրավունքը միջազգային նորմերին համապատասխան՝ օգտագործելու բոլոր օրինական միջոցները՝ հակազդելու Թուրքիայի ցանկացած գործողություններին, և պահանջում է բոլոր անօրինական օտար ուժերի դուրս բերումը սիրիական տարածքներից։
Էմմա Չոբանյան
