15.09.2026 | 18:42
Վահան Բիչախչյանը մոտ է խաղադաշտ վերադառնալուն
Այգավան գյուղում տրակտորը շրջվել է. վարորդը տեղում մահացել է
Հասարակություն
30.05.2022 | 21:43
Մայիսի 30-ին, ժամը 15։42-ին Արարատի մարզային ճգնաժամային կառավարման կենտրոն ահազանգ է ստացվել, որ Այգավան գյուղի հողատարածքներում քաղաքացին ընկել է տրակտորից: Այս մասին հայտնում են ԱԻՆ-ից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ «Chinvan 804» մակնիշի տրակտորը (վարորդ՝ Ա. Մ., ծնված 1965 թ.) դաշտում կողաշրջվել է փոսի մեջ․ վարորդը տեղում մահացել է:
Մինչ փրկարարների կանչի վայր հասնելը՝ տեղի ուժերով տրակտորն ուղղել են և վարորդի դին դուրս բերել տրակտորի տակից։
Փրկարարներն Ա․ Մ.-ի դին մոտեցրել են դի տեղափոխող ավտոմեքենային։
