16.09.2026 | 15:44
Դատախազությունը պահանջում է Ապարանի շուրջ 16 հա հողատարածքներ վերադարձնել համայնքին
Հյուսիսային Կորեան հայտնել է մեկ օրում կորոնավիրուսի ավելի քան 100,000 նոր դեպքի մասին
Քաղաքականություն
30.05.2022 | 23:04
Հյուսիսային Կորեայում երեք օրվա ընթացքում առաջին անգամ «տենդով» վարակման նոր դեպքերի թիվը գերազանցել է 100 հազարը: Այս մասին հայտնում է «Ինտերֆաքսը»։
Համաճարակների կանխարգելման պետական շտաբի տվյալներով՝ վերջին մեկ օրվա ընթացքում գրանցվել է «տենդով» վարակման ավելի քան 100․710 դեպք, ինչը 11․210-ով ավելի է նախորդ օրվա համեմատ։ Հաղորդվում է մահվան մեկ դեպքի մասին։
Ընդհանուր առմամբ, կորոնավիրուսային համաճարակի ընթացքում, որը ԿԺԴՀ-ում անվանում են «տենդ», գրանցվել է հիվանդության 3․549․590 դեպք, ապաքինվել է 3․360․990 մարդ։ Զոհերի թիվը հասել է 70-ի։
Մինչդեռ, ըստ հարավկորեական Yonhap հրատարակության, Չինաստանում բազմաթիվ աղբյուրներ հայտնել են, որ կիրակի կեսօրից հետո Փհենյանում կարանտինը մասամբ թուլացվել է:
Մայիսի 12-ին Հյուսիսային Կորեան հայտնել է երկրում COVID-19-ի առաջին դեպքի մասին։ Մինչ այս՝ համաճարակի երկու տարիների ընթացքում, Փհենյանը հայտարարում էր, որ երկրում հիվանդության ոչ մի դեպք չի գրանցվել։
Տաթև Ֆռանգյան
