06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
Նիկոլ Փաշինյանի հաղթանակը շոկ էր ոչ միայն Հանրապետականի, այլև նախկին ընդդիմադիր վերնախավի համար․ քաղաքագետ
Քաղաքականություն
03.05.2018 | 16:59
«ՀՀԿ-ականները ժամանակ էին շահում, իսկ թե ինչու դժվար է ասել։ Պարզ է, որ իրենք պարտվել են, և իշխանությունը պետք է հանձնեն, բայց հոգեբանորեն դժվար է համակերպվելն այդ պարտության հետ, այդ մարդիկ ընդամենը մեկ ամիս առաջ զգում էին իրենց ձիու վրա և պատկերացնում էին, որ ՀՀ-ի բոլոր քաղաքական պրոցեսները պետք է գնան Մելիք-Ադամյանի ցուցումով և հանկարծ պարզվել է, որ Մելիք-Ադամյանը վերանալու է»,- Factor.am-ի հետ զրույցում նման տեսակետ հայտնեց քաղաքագետ Երվանդ Բոզոյանը։
Անդրադառնալով սոցցանցերում քննարկվող հավանական դավադրություններին, որոնք միտված են կանխելու Նիկոլ Փաշինյանի վարչապետացումը, քաղաքագետը նշեց, որ դրա պատճառը ՀՀԿ-ի նկատմամբ անվստահությունն է․ «ՀՀԿ-ն իր լիդերի հետ միասին այնքան է խաբել, որ մարդիկ չեն հավատում նրանց, բայց եթե անգամ նման մտադրություն էլ ունենան, իրենք շանս չունեն»։
Բոզոյանի խոսքով՝ Սերժ Սարգսյանի հրաժարականից հետո մարդիկ շոկ ապրեցին․ «ՀՀ-ում մարդն առաջին անգամ իրեն ուրախ է զգում, որովհետև հասկացել է, որ ինքն է երկրի տերը։ Մարդը բացված էր 1988 թվականին, 90-ականներից սկսած մարդկանց փակեցին, կոտրեցին ու հանկարծ մարդիկ ապրիլի 23-ին հասկացան, որ իրենք ուժեղ են ու իրենք են որոշում իրենց երկրի ապագան։ Սա շոկ էր բոլորի համար՝ ոչ միայն Հանրապետականի, այլև նախկին ընդդիմադիր վերնախավի համար»։
Մանրամասները՝ տեսանյութում։
Լիլիթ Շաբոյան
