19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Աշխարհաքաղաքական իրավիճակը մեծացրել է Վրաստանի՝ որպես տրանսպորտային միջանցքի դերը. Զուրաբիշվիլի
Քաղաքականություն
23.05.2022 | 22:33
Վրաստանի նախագահ Սալոմե Զուրաբիշվիլին ելույթ ունենալով ՄԱԿ-ի Ասիայի և Խաղաղ օվկիանոսի տնտեսական հանձնաժողովի 78-րդ նստաշրջանում՝ խոսել է Ուկրաինայում ընթացող պատերազմի պատճառով տարածաշրջանում ստեղծված նոր իրավիճակի մասին, որը հանգեցրել է տրանսպորտային միջանցքների փոփոխությունների։ Այս մասին գրում է Aliq media-ն։
Ըստ Զուրաբիշվիլիի՝ աշխարհաքաղաքական իրավիճակը մեծացրել է Վրաստանի՝ որպես տրանսպորտային միջանցքի դերը։
«Պատերազմն ընդգծում է այլընտրանքային տրանսպորտային համակարգերի արագ զարգացման անհրաժեշտությունը՝ Եվրոպայի և Ասիայի միջև մատակարարման շղթաները պահպանելու համար։ Չնայած իր հարևանության մարտահրավերներին, Վրաստանը, իր աշխարհագրական դիրքի պատճառով, որպես կամուրջ Եվրոպայի և Ասիայի և Հին Մետաքսի ճանապարհի վրա գտնվող երկրների միջև, ինտենսիվ համագործակցում է Ասիա-Խաղաղօվկիանոսյան տարածաշրջանի հետ՝ նոր էներգետիկ, տրանսպորտային և հաղորդակցման նախագծեր մշակելու համար»,- ասել է Զուրաբիշվիլին։
Վրաստանի նախագահի խոսքով, աշխարհաքաղաքական համատեքստն ավելի է ամրապնդում Վրաստանի դերը՝ որպես Ասիա տանող դարպաս և որպես հիմնական տարանցիկ-լոգիստիկ հանգույց, որը կարևոր օղակ է ապրանքների շարժման համար այն ջրանցքով, որը կապում է Սև ծովը, Կովկասը և Եվրասիական մայրցամաքը.
«Եվրոպական ինտեգրման ճանապարհին նոր պատմական ձեռքբերումների ֆոնին Վրաստանը փորձում է զարգացնել իր կապերը ասիական տնտեսությունների հետ, հատկապես ազատ առևտրի համաձայնագրերի և համագործակցության ընդլայնման միջոցով»։
