15.05.2024 | 23:54
25 հեկտար հողերը կվերադարձվեն Կիրանցին, ճանապարհի տեղափոխման խնդիր կա. վարչապետի աշխատակազմ
Հունաստանի ԱԳՆ-ն խիստ բողոք է ներկայացրել Թուրքիային՝ երկրի օդային տարածքի աննախադեպ խախտման համար
Քաղաքականություն
20.05.2022 | 21:57
Հունաստանի ԱԳՆ-ն դատապարտել է երկրի օդային տարածքի աննախադեպ խախտումը թուրքական կործանիչների կողմից, որոնք մոտեցել են Ալեքսանդրապոլիս նավահանգստային քաղաքին 2,5 ծովային մղոն հեռավորության վրա։ Հունաստանը խիստ բողոք է ներկայացրել Անկարային։ ՏԱՍՍ-ի փոխանցմամբ՝ այս մասին հայտնել է երկրի ԱԳՆ-ն։
«Մենք խստորեն դատապարտում ենք ազգային ինքնիշխանության աննախադեպ խախտումը երկու թուրքական կործանիչների կողմից, որոնք ապօրինի ներխուժել են մեր ազգային օդային տարածք և մոտեցել Ալեքսանդրապոլիսին 2,5 ծովային մղոնի սահմաններում։ Այս գործողությունը թուրքական սադրանքների հստակ էսկալացիան է։ Այն հանդիսանում է Թուրքիայի նեոօսմանական ռևիզիոնիզմի խթանման մասը, որը խախտում է միջազգային իրավունքի բոլոր նորմերը»,- ասվում է հայտարարության մեջ։
Ըստ Աթենքի՝ Թուրքիայի գործողությունները «խաթարում են ՆԱՏՕ-ի համախմբվածությունն ու անմիջական առաջնահերթությունները, ինչպես նաև բացահայտ վտանգ են ներկայացնում Եվրամիության համար կրիտիկական պահին, քանի որ Ալեքսանդրապոլիսի նավահանգիստը դաշնակիցների ամրապնդման համար առանցքային տրանսպորտային հանգույց է»։
Հաղորդվում է, որ ԱԳ նախարար Նիկոլ Դենդիասի հանձնարարությամբ նախարարության գլխավոր քարտուղար Ֆեմիստոկլիս Դեմիրիսն անհապաղ և խիստ բողոք է հայտնել Հունաստանում Թուրքիայի դեսպանին։
Էմմա Չոբանյան
