06.11.2024 | 20:33
Նախագահը դատավորներ է նշանակել
ԵՄ-ն ակնկալում է, որ Թուրքիան կչեղարկի ՆԱՏՕ-ին Ֆինլանդիայի և Շվեդիայի անդամակցության դեմ առարկությունները
Քաղաքականություն
19.05.2022 | 20:51
ԵՄ-ն հուսով է, որ ՆԱՏՕ-ն կլուծի Թուրքիայի առարկությունների հարցը՝ կապված ՆԱՏՕ-ին Ֆինլանդիայի ու Շվեդիայի անդամակցության հետ։ Այս մասին հայտարարել է ԵՄ դիվանագիտության ղեկավար Ժոզեպ Բորելի պաշտոնական ներկայացուցիչ Նաբիլա Մասրալին, գրում swissinfo-ն։
«ԵՄ Խորհուրդը ցույց տվեց իր աջակցությունը այս երկու երկրներին, երբ նրանք հայտարարեցին ՆԱՏՕ-ին միանալու ցանկության մասին: Իսկապես, Թուրքիան որոշ առարկություններ ներկայացրեց, բայց ես հուսով եմ, որ ՆԱՏՕ-ն դրանք կհաղթահարի»,- ասել է նա։
Բորելի ներկայացուցիչն ասել է, որ ՆԱՏՕ-ին անդամակցելու՝ Ֆինլանդիայի և Շվեդիայի որոշումներն իրենց ինքնիշխան ընտրությունն են։ Մասրալին նաև անդրադարձել է եվրոպական դիվանագիտության ղեկավարի հայտարարությանը, թե այս երկու երկրները կարող են հույս դնել Եվրամիության աջակցության վրա։
«Նրանց մասնակցությունը ՆԱՏՕ-ին խթան կհանդիսանա դաշինքի հետ մեր ռազմավարական գործընկերության ամրապնդման համար»,- ասել է նա՝ հավելելով, որ Բորելը շատ հստակ է եղել իր արտահայտություններում այն առումով, որ Թուրքիայի առարկությունների հարցը «պետք է լուծվի կարճ ժամանակում, որ հնարավոր լինի անդամակցության գործընթացն իրականացնել»։
Հիշեցնենք, որ Անկարան դեմ է սկանդինավյան այս երկու երկրների՝ ՆԱՏՕ-ին անդամակցությանը։
Էմմա Չոբանյան
