22.04.2026 | 23:30
ՀՀ տարածքում ավտոճանապարհները հիմնականում անցանելի են
283 մլն դրամ` Սահմանադրական և Վճռաբեկ դատարանների դատավորների հավելավճարների համար
Քաղաքականություն
18.05.2022 | 23:08
Հայաստանում խորացող սոցիալական խնդիրների և ամենօրյա գնաճի ֆոնին Կառավարությունը որոշել է բարձրացնել դատավորներին տրվող հավելավճարները: Կարեն Անդրեասյանի ղեկավարած Արդարադատության նախարարությունն առաջարկում է փոփոխություններ կատարել «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում:
Ըստ առաջարկվող փոփոխությունների՝ Սահմանադրական դատարանի դատավորը, փոխնախագահը և նախագահը յուրաքանչյուր ամիս աշխատավարձի 80 տոկոսի չափով պարտադիր հավելավճար կստանան, իսկ Վճռաբեկ դատարանի դատավորները՝ 50 տոկոսի չափով:
Այսպիսով՝ այս փոփոխության դեպքում յուրաքանչյուր տարի հարկատուները դատավորների հավելավճարների համար կվճարեն լրացուցիչ 283 մլն դրամ, որից Սահմանադրական դատարանի մասով՝ շուրջ 86 մլն դրամ և Վճռաբեկ դատարանի մասով՝ շուրջ 197 մլն դրամ։
Նշենք, որ ՍԴ նախագահի աշխատավարձն այս պահին կազմում է 1 մլն 58 հազար դրամ, ՍԴ դատավորինը՝ 800 հազար, իսկ Վճռաբեկ դատարանի դատավորինը՝ 760 հազար դրամ՝ ներառյալ հարկերը:
Նարեկ Կիրակոսյան
