20.08.2026 | 16:06
Ազատ ոճի հայ ըմբիշներն անհաջող մեկնարկեցին Մ-20 ԱԱ-ում
ԱՄՆ Կոնգրեսում առաջին անգամ անհայտ թռչող օբյեկտի հետ հանդիպման տեսագրություն է հրապարակվել․ ՏԵՍԱՆՅՈՒԹ
Քաղաքականություն
18.05.2022 | 18:14
ԱՄՆ Կոնգրեսում վերջին 50 տարում առաջին անգամ անցկացվել են անհայտ թռչող օբյեկտների վերաբերյալ առաջին լսումները։ Դրանց ժամանակ ծովային հետախուզության փոխտնօրեն Սքոթ Բրեյը ցուցադրել է ՉԹՕ-ի հետ հանդիպման տեսագրությունը:
'I do not have an explanation for what this specific object is’ — Congress held a UFO hearing for the first time in more than 50 years. Here’s what happened: pic.twitter.com/s5QPtoMvEo
— NowThis (@nowthisnews) May 18, 2022
«Այստեղ դուք տեսնում եք ԱՄՆ ռազմածովային ուժերի կործանիչն ուսումնական թռիչքի ժամանակ, որը տարածքում գնդաձև առարկա է նկատել: Թռչելով նրա կողքով՝ նրանք տեսանկարահանում են իրականացնում։ Դրանում երևում է, որ օբյեկտն արտացոլող տեսք ունի՝ որոշ չափով արտացոլող: Եվ այն արագ թռչում է օդաչուների խցիկի կողքով»,- ներկայացրել է նա։
Բրեյը հայտաարել է, որ սա այն երևույթներից մեկն է, որը բացատրություն չունի։
«Ես բացատրություն չունեմ, թե դա կոնկրետ ինչ օբյեկտ է։ Բայց ես կզգուշացնեի, կասեի, որ մի շարք իրադարձություններ կան, որոնց բացատրությունը մենք չունենք, սակայն դրանց մի մասն ունեն թռիչքի բնութագիր կամ նկատելիության մակարդակի կառավարում, որոնք բացատրել առկա տեղեկություններով չենք կարող»,- ասել է նա։
Ըստ Սքոթ Բրեյի՝ 2000-ականների սկզբից ի վեր ռազմական վերահսկողության տակ գտնվող գոտիներում չարտոնված և չբացահայտված թռչող օբյեկտների թիվն աճել է: Պենտագոնը կարծում է, որ դա պայմանավորված է հսկողության համակարգերի կատարելագործմամբ և օդային տարածքում օբյեկտների հայտնաբերմամբ։
Տաթև Ֆռանգյան
