16.09.2026 | 15:10
TRIPP-ի համաձայնագիրը չի հակասում Սահմանադրությանը // Օսիպյանի գործով դատաքննությունը սկսվել է․ ԼՈՒՐԵՐ
Շվեդիայի, Ֆինլանդիայի և Թուրքիայի ԱԳ նախարարները կհանդիպեն Անկարայում՝ քննարկելու ՆԱՏՕ-ին անդամակցության թեման
Քաղաքականություն
16.05.2022 | 22:17
Շվեդիայի, Ֆինլանդիայի և Թուրքիայի ԱԳ նախարարներ Անն Լինդեն, Օեկա Հաավիստոն և Մևլութ Չավուշօղլուն հանդիպելու են Անկարայում, որպեսզի քննարկեն սկանդինավյան այս երկրների՝ ՆԱՏՕ-ին անդամակցելու հարցը։ Այս մասինի գրում է ՏԱՍՍ-ը՝ վկայակոչելով SVT հեռուստաալիքին։
Հանդիպմանը Թուրքիան նախատեսում է պարզաբանել դաշինքին Շվեդիայի և Ֆինլանդիայի անդամակցության վերաբերյալ իր առարկությունները։
Ավելի վաղ Լինդեն հայտարարել էր, որ խորապես հավատում է, որ թյուրիմացությունները կհարթվեն, և որ դրանք «չեն խանգարի ՆԱՏՕ-ին դիմելու գործընթացին»։
Հավելենք, որ Շվեդիայի ՊՆ ղեկավարն էլ այսօր հայտարարել էր, որ իր երկիրը դիվանագետների կուղարկի Թուրքիա՝ փորձելու հաղթահարել ՆԱՏՕ-ին միանալու ծրագրի հետ կապված Անկարայի առարկությունները։
Հիշեցնենք՝ Թուրքիայի նախագահ Ռեջեփ Թայիփ Էրդողանը հայտարարել էր, որ իր երկիրը դրական չի վերաբերվում ՆԱՏՕ-ին Շվեդիայի և Ֆինլանդիայի անդամակցությանը՝ քրդական զինյալ խմբավորումներին այդ երկրների աջակցության պատճառով։ ԱԳ նախարար Մևլութ Չավուշօղլուն էլ հայտարարել էր, որ Թուրքիան դեմ չէ ՆԱՏՕ-ի բաց դռների քաղաքականությունը, սակայն մի շարք պայմաններ ունի։
Էմմա Չոբանյան
