15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Իսրայելի գյուղոլորտի մասնագետները մեկնում են Ադրբեջան՝ նորարար գիտելիքներով կիսվելու
Քաղաքականություն
16.05.2022 | 22:43
Իսրայելական պատվիրակությունը երեքշաբթի մեկնելու է Ադրբեջան՝ Իսրայելի կուտակած գյուղատնտեսական գիտելիքներն այդ երկրի հետ կիսելու նպատակով, գրում է Israel Hayom-ը։ Israel Hayom-ը։
Ըստ պարբերականի՝ երեք շաբաթ առաջ Իսրայելի ֆինանսների նախարար Ավիգդոր Լիբերմանն այցելել է Բաքու՝ պայմանագրեր կնքելու ցորենի, նավթի մատակարարման համար, որը խաթարվել է ռուս-ուկրաինական պատերազմի պատճառով։
Նշվում է, որ իսրայելցի մասնագետները գիտելիքներ կփոխանցեն ցորենի աճեցման, ոռոգման և կաթնամթերքի արտադրության վերաբերյալ: Գյուղատնտեսության նախարարությունը երկու երկրների միջև երկարատև համագործակցության հույս ունի։
Ադրբեջանը ոչ միայն ցորենի ներմուծումից անկախ դարձնելու, այլև արտահանելու հնարավորության համար Իսրայելը երկրին կտրամադրի ցորենի աճեցման տեխնոլոգիա, որպեսզի երկու-երեք տարի անց կարողանա այն ներմուծել Իսրայել։
«Առաքելության որոշ անդամներ կմասնակցեն շնորհանդեսի, իսկ մյուսները՝ բիզնես ֆորումի, որպեսզի այցն արդյունավետ լինի ոչ միայն տեխնոլոգիան ներկայացնելու, այլ նաև կարիքների և լուծումների միջև փոխազդեցություն ստեղծելու համար»,- ասել է Իսրայելի Գյուղատնտեսության նախարարության արտաքին առևտրի և միջազգային համագործակցության կենտրոնի ղեկավար Յակով Պոլեգը։
Հիշեցնենք, որ ավելի վաղ լրատվամիջոցները հայտնել էին, որ նախատեսվում է Իսրայելի գյուղատնտեսության նախարար Օդեդ Ֆորերի այցը Ադրբեջան իսրայելցի մի խումբ մասնագետների հետ։ Իսրայելը ծրագրում է ադրբեջանական կողմին տրամադրել նորագույն գյուղատնտեսական տեխնոլոգիաներ ցորենի աճեցման համար՝ 2025 թվականին արդեն այն Ադրբեջանից գնելու նպատակով։
Էմմա Չոբանյան
