15.05.2025 | 22:47
Գետարգել-Ջրվեժ ավտոճանապարհին բախված ավտոմեքենաներից մեկի վարորդը հոսպիտալացվել է
ԱՄՆ-ը վստահ է ՆԱՏՕ-ին Շվեդիայի և Ֆինլանդիայի միանալու կոնսենսուսի հարցում՝ չնայած Թուրքիայի պահանջներին
Քաղաքականություն
16.05.2022 | 15:09
ԱՄՆ պետքարտուղար Էնթոնի Բլինքենը հայտարարել է, որ վստահ է ՆԱՏՕ-ի ներսում կոնսենսուսի ձեռքբերման հարցում՝ Շվեդիայի և Ֆինլանդիայի անդամակցության հետ կապված, գրում է «Ահվալ» գործակալությունը։
Բլինքենը նշել է, որ Թուրքիայի ԱԳ նախարար Մևլութ Չավուշօղլուի հետ խոսել է Անկարայի մտահոգությունների մասին։
«Ես չեմ ցանկանում բնութագրել զրույցը, որ ունեցանք ԱԳ նախարարի հետ և ՆԱՏՕ-ի նիստի շրջանակում, սակայն կարող եմ ասել հետևյալը․ ես գրեթե բոլոր կողմերից լսել եմ ուժեղ աջակցություն դաշինքին Շվեդիայի և Ֆինլանդիայի միանալու հարցում»,- ասել Բլինքենը Բեռլինում ՆԱՏՕ-ի արտգործնախարարների հանդիպմանը հաջորդած հայտարարությունում՝ հավելելով․ «Եթե դա այն է, ինչ նրանք որոշեն անել, ես համոզված եմ, որ կհասնենք կոնսենսուսի»։
ՆԱՏՕ-ի գլխավոր քարտուղար Յենս Ստոլտենբերգը ևս ասել է, որ հավատում է՝ ընդհանուր լեզու և կոնսենսուս կգտնվի անդամակցության հարցի շուրջ:
Հիշեցնենք՝ Թուրքիայի նախագահ Ռեջեփ Թայիփ Էրդողանը հայտարարել էր, որ իր երկիրը դրական չի վերաբերվում ՆԱՏՕ-ին Շվեդիայի և Ֆինլանդիայի անդամակցությանը՝ քրդական զինյալ խմբավորումներին այդ երկրների աջակցության պատճառով։ ԱԳ նախարար Մևլութ Չավուշօղլուն էլ հայտարարել էր, որ Թուրքիան դեմ չէ ՆԱՏՕ-ի բաց դռների քաղաքականությունը, սակայն մի շարք պայմաններ ունի։
«Անպայման պետք է լինեն անվտանգության երաշխիքներ։ Այդ երկրները պետք է դադարեցնեն աջակցությունը ահաբեկչական կազմակերպություններին։ Արտահանման սահմանափակումները այնպիսի դաշնակցի համար, ինչպիսին Թուրքիան է, նույնպես պետք է հանվեն»,- ասել էր Չավուշօղլուն։
Էմմա Չոբանյան
