09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ուկրաինայի տարածքով ռուսական գազի տարանցումը նվազել է՝ հասնելով հունվարից ի վեր ամենացածր մակարդակին
Քաղաքականություն
16.05.2022 | 14:41
Երկուշաբթի Ուկրաինայի տարածքով ռուսական գազի տարանցման ծավալը կկազմի 50 միլիոն խորանարդ մետրից պակաս։ Այս մասին հայտնում է Korrespondent-ը։
«Ուկրաինայի գազատրանսպորտային համակարգի օպերատորը երկուշաբթի «Գազպրոմ»-ից ստացել է 46,8 միլիոն խմ ծավալի գազի տարանցման հայտ։ Սա հունվարից մինչ օրս նվազագույն ցուցանիշն է»,- ասվում է հաղորդագրության մեջ։
Ընդ որում, մայիսի 15-ին Ուկրաինայի գազատրանսպորտային համակարգին մուտքի հայտը եղել է 62,7 միլիոն խմ։
Անցյալ շաբաթ Ուկրաինայի գազատրանսպորտային համակարգի օպերատորը ֆորսմաժորային իրավիճակ է հայտարարել Սոխրանովկա կայանով գազի տարանցման համար՝ պարզաբանելով, որ ընկերությունը չի կարողանում գործառնական և տեխնոլոգիական վերահսկողություն իրականացնել Նովոպսկովի կոմպրեսորային կայանի նկատմամբ։ Ավելի ուշ ուկրաինական օպերատորը հաստատել է տարանցիկ գազի գողության փաստերը։ Ըստ այդ պնդումների՝ գողությունը տեղի է ունեցել Լուգանսկի շրջանի տարածքներում, որոնք վերահսկվում են ռուսական ուժերի կողմից։
Տաթև Ֆռանգյան
