28.06.2026 | 20:00
«Կյանքս կտամ», քարսիթ՝ ոչ. ինչու են ճանապարհին երեխաներ մահանում․ ՏԵՍԱՆՅՈւԹ
Ադրբեջանցի պատգամավորը հայտարարել է, թե «հայամետ հիմնադրամներն ու ուժերը փորձում են խարխլել Ադրբեջանի կայունությունը»
Քաղաքականություն
13.05.2022 | 22:45
Ադրբեջանի Միլլի Մեջլիսի այօրվա նիստում պատգամավոր Ջավիդ Օսմանովը հայտարարել է, որ կան ուժեր՝ «հինգերորդ շարասյունը», որոնք Արցախյան 44-օրյա պատերազմից հետո Ադրբեջանի դեմ «կեղտոտ արշավ են սկսել»։ Տեղական լրատվիջոցների հաղորդմամբ՝ նա նշել է, որ այդ ուժերը փորձում են Ադրբեջանի հասարակական-քաղաքական կայունությանը հարված հասցնել ու նրանց անվանել։
«Դրա համար որոշ հայամետ հիմանադրամներ դրամաշնորհներ են տրամադրել և մայիսին ևս նախատեսվում է հատկացնել»,-ասել է պատգամավորը։
Հավելենք, որ վաղը Բաքվում բողոքի ակցիա է անցկացվելու հասարակական գործիչների ու լրագրողների դեմ վերջին շրջանում բռնությունների դեպքերի աճի կապակցությամբ։ Ըստ երևույթին, հենց սա էլ մտահոգել է պատգամավոր Օսմանովին։
Ակցիայի կազմկոմիտեում ընդգրկված են 24 քաղաքական և քաղաքացիական ակտիվիստներ։ Հավելենք, որ վերջին շրջանում պարբերաբար բռնությունների են ենթարկվում տարբեր գործիչներ, իսկ ահա այդ հացագործություններ կատարողներն էլ մնում են անպատիժ։
Նշենք, որ օրերս էլ ընդդիամադիր հայտնի լրագրող Այթեն Մամեդովան էր իր տան մոտ հարձակման ենթարկվել։ Մի տղամարդ դանակով հարձակվել էր նրա վրա՝ փորձելով կտրել կոկորդը ու սպառնալիքներ հնչեցրել։
Այդ հարձակումը դատապարտել են մի շարք միջազգային լրագրողական կազմակերպություններ, նաև՝ ԱՄՆ Պետդեպը, իսկ ահա ադրբեջանական իշխանությունները լռում են։
Օրերս էլ ԵԽԽՎ մի խումբ պատգամավորներ հանդես էին եկել Վեհաժողովի կողմից Ադրբեջանում լրագրողների և իրավապաշտպանների կյանքին ու անվտանգությանը սպառնացող վտանգների վերաբերյալ բանաձև ընդունելու նախաձեռնությամբ։ Նախագծի հեղինակները նշում էին, որ ԵԽԽՎ-ն պետք է ուշադրությամբ դիտարկի և ուսումնասիրի սպանությունների ու հարձակումների դեպքերը, որոնք սպառնում են ադրբեջանցի լրագրողների, բլոգերների և իրավապաշտպանների կյանքին ու ազատությանը, և պատրաստել համապարփակ զեկույց այդ խնդրի վերաբերյալ:
Էմմա Չոբանյան
