Ուրուգվայի հայ համայնքը Հայոց ցեղասպանության թանգարան-ինստիտուտին է հանձնել ցեղասպանության վերաբերյալ արժեքավոր նյութեր

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Ուրուգվայի հայ համայնքի կողմից Հայոց ցեղասպանության թանգարան-ինստիտուտին հանձնվեցին Հայոց պատմության, Հայ Դատի և Հայոց ցեղասպանության մասին մի շարք կարևոր նյութեր՝ ազդագրեր, թռուցիկներ, գրքեր:
«Արմենպրես»-ի հաղորդմամբ՝ Հայոց ցեղասպանության թանգարան-ինստիտուտի տնօրեն Հարություն Մարությանը նշեց, որ Ուրուգվայը մեծ նշանակություն ունի Հայ ժողովրդի համար քանի, որ այն առաջին պետությունն էր, որ ճանաչեց Հայոց ցեղասպանությունը՝ օրինակ ծառայելով մնացած պետությունների համար:

«Ուրուգվայի կողմից Հայոց ցեղասպանության ճանաչումից հետո աշխարհի մի շարք խոշոր երկրներ հետևել են այս փոքր պետության մեծ քայլին՝ ընդունելով ցեղասպանությունը: Եվ այսօր Ուրուգվայի հայ համայնքի կողմից մեզ փոխանցված այս բոլոր նյութերը մեծ նշանակություն ունեն մեր թանգարանի համար»,- ասաց թանգարանի տնօրենը:

Հայաստանում Ուրուգվայի դեսպան Էդուարդո Ռոսենբրոկը նշեց, որ ուրախ է Ուրուգվայի հայկական սփյուռքի անունից կարևոր նյութերը փոխանցել թանգարանին:

«Ուրուգվայը փոքր երկիր է, բայց ունի մեծ հայկական համայնք, որը շատ ակտիվ է և կարողացել է գերազանց ինտեգրվել Ուրուգվայի հասարակությանը: Այս տարին շատ կարևոր է Հայաստանին և Ուրուգվայի համար, քանի որ մայիսի 27-ին նշվում է երկու երկրների միջև դիվանագիտական հարաբերությունների հաստատման 30 ամյակը: Ուրուգվայի հայ համայնքի կողմից տրամադրված տպագրությունները, գրքերը, ազդագրերը, որոնք այսօր այստեղ են, շատ կարևոր աշխատություններ են, որոնք կհարստացնեն Հայաստանի ազգային գրադարանը և Հայոց ցեղասպանության թանգարանը»,- ասաց դեսպանը:

Պատմաբան Գևորգ Յազըճյանը, ով նախաձեռնել է Ուրուգվայում տպագրված նյութերը Հայաստան տեղափոխելու գործընթացը, ասաց, որ բերված գրքերը, ազդագրերն ու թռուցիկները հիմնականում վերաբերվում են Հայոց պատմությանը, հայկական հարցերին, Հայ Դատին և Հայոց ցեղասպանությանը: Կան նաև պաստառներ որոնք հրատարակվել են Արգենտինայում, մեծ մասը՝ եղեռնի 50 ամյակի օրերին:

«Այս նախաձեռնությունը իրականացրել ենք Ուրուգվայում հայ բժիշկ Կառլոս Կեցոյանի հետ, ով նաև պատմաբան է և այժմ գրում է Ուրուգվայի կողմից Հայոց ցեղասպանության ճանաչման պատմությունը: Գրքի համար իրականացրած ուսումնասիրությունների ընթացքում անցած տարի նա եկել էր Հայաստան: Անհրաժեշտ նյութերը փնտրելու ընթացքում հասկացանք, որ նմանատիպ նյութեր և աշխատություններ այստեղ չկան՝ հրատարակվել են, բայց Հայաստան չեն ուղարկվել: Այդ նպատակով մենք հանդիպեցինք Հայաստանի ազգային գրադարանի փոխտնօրենի հետ և ձեռք բերեցինք համաձայնություն՝ նյութերը Հայաստան տեղափոխելու համար: Գրքերի մի մասը նա ինքն է գնել, մի մասն էլ հավաքվել է համայնքի օգնությամբ: Այսօր այն կբաժանվի ըստ թեմատիկայի, որը ցեղասպանության թեմային է վերաբերվում՝ կմնա Ցեղասպանության թանգարանին, իսկ մնացածը կփոխանցվի Հայաստանի ազգային գրադարանին»,-ասաց պատմաբանը: