ԱՄՆ-ն Ուկրաինայի հետ հետախուզական տվյալների փոխանակումը սահմանափակում է՝ ավելի մեծ պատերազմը կանխելու համար․ The Washington Post

Վաշինգտոնը Կիևին է ուղարկում միլիարդավոր դոլարի զենք՝ հրապարակավ ներկայացնելով այդ մատակարարումները մինչև նույնիսկ փամփուշտները, սակայն ԱՄՆ-ը շատ ավելի զգուշավոր է, երբ նկարագրում է մեկ այլ նշանակալի ներդրում Կիևի հաջողության հարցում։ Խոսքը ռազմի դաշտում ռուսական զինված ուժերի մասին հետախուզական տվյալներին մասին է, գրում է Washington Post-ը, որի հրապարակումը փոխանցում է BBC-ի ռուսական ծառայությունը։

Ամերիկացի և ուկրաինացի պաշտոնյաներն անանունության պայմանով լրատվամիջոցին հայտնել են, որ ռուսական զորքերի տեղակայման և տեղաշարժի մասին տեղեկատվությունն Ուկրաինա է հասնում իրական ժամանակում: Վաշինգտոնի և Մոսկվայի միջև լարվածության աճից խուսափելու համար ԱՄՆ վարչակազմը մշակել է հետախուզական տեղեկատվության փոխանակման ուղեցույց, որը սահմանում է երկու ընդհանուր արգելք այն տեղեկատվության տեսակների վերաբերյալ, որոնք ԱՄՆ-ը կարող է կիսել Ուկրաինայի հետ:

Առաջինը՝ ԱՄՆ-ն չի կարող մանրամասն տեղեկատվություն փոխանցել, որը կօգներ ոչնչացնել ռուսական հրամանատարության ներկայացուցիչներին: Նրանց թվում են, մասնավորապես, ՌԴ ԶՈՒ գլխավոր շտաբի պետ Վալերի Գերասիմովը և պաշտպանության նախարար Սերգեյ Շոյգուն։

Երկրորդ կատեգորիան վերաբերում է ցանկացած տեղեկատվությանը, որը կարող է օգնել Ուկրաինային՝ հարձակվել ռուսական թիրախների վրա ուկրաինական սահմաններից դուրս։ Սա նպատակ ունի թույլ չտալ, որ Միացյալ Նահանգները դառնա հարձակումների կողմ, որոնք Ուկրաինան կարող է ձեռնարկել Ռուսաստանի տարածքում։

Իր հավելում դրան՝ Վաշինգտոնը հետևում է կանոնին, որն արգելում է Ուկրաինային տրամադրել այն, ինչը պաշտոնյաներն անվանում են թիրախային տեղեկատվություն։ Օրինակ՝ ԱՄՆ-ը, ըստ պաշտոնյաների, չի հայտնի ուկրաինական ուժերին, թե կոնկրետ ո՞ր ռուս գեներալն է նկատվել որոշակի վայրում, այնուհետև չի ասի կամ չի օգնի Ուկրաինային հարվածել նրան: Դրա հետ մեկտեղ, սակայն, ԱՄՆ-ն կիսվում է տեղեկատվությամբ հրամանատարության և կառավարման օբյեկտների գտնվելու վայրի մասին, քանի որ այն կարող է օգնել Ուկրաինային սեփական պաշտպանության հարցում։

Էմմա Չոբանյան