29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ֆինլանդիայի նախագահն ու վարչապետը հայտարարություն են տարածել ՆԱՏՕ-ին երկրի անդամակցության վերաբերյալ
Քաղաքականություն
12.05.2022 | 12:21
Ֆինլանդիայի նախագահ Սաուլի Նիինիստոն և վարչապետ Սաննա Մարինը համատեղ հայտարարություն են տարածել Հյուսիսատլանտյան դաշինքին միանալու ցանկության մասին, գրում է BBC-ի ռուսական ծառայությունը։
«Ֆինլանդիան պետք է անհապաղ դիմի ՆԱՏՕ-ին անդամակցելու համար»,- ասվում է հայտարարության մեջ։
Ավելի վաղ ՆԱՏՕ-ն խոստացել էր Ֆինլանդիայի դիմումը դիտարկել արագացված ռեժիմով։ Սկզբում երկիրը ստանում է թեկնածուի կարգավիճակ, իսկ հետո ՆԱՏՕ-ի անդամ բոլոր 30 երկրների խորհրդարանները պետք է հաստատեն նոր անդամի ընդունումը։
Ֆինլանդիայի և Ռուսաստանի միջև ընդհանուր սահմանը ավելի քան հազար կիլոմետր է։ Ֆինլանդիան չեզոք կարգավիճակ ունի. «Մենք չենք կարող անպաշտպան մնալ Ռուսաստանի դեմ, որը չի հետևում միջազգային օրենքներին», – ճապոնական լրատվամիջոցներին տված հարցազրույցում ասել է վարչապետ Սաննա Մարինը։
Տաթև Ֆռանգյան
