23.04.2026 | 10:49
«Ուժեղ Հայաստանի» պատգամավորի թեկնածուից պետությանը վերադարձվեց 8 հողամաս Գյուլագարակում․ ՔԿ
Հյուսիսային Կորեայի իշխանությունները հայտարարել են «COVID-19-ի առաջին դեպքերի մասին»
Քաղաքականություն
12.05.2022 | 12:04
ԿԺԴՀ-ն հայտնել է երկրում «կորոնավիրուսով վարակվելու առաջին դեպքի մասին», հայտնում է հարավկորեական Yonhap լրատվական գործակալությունը՝ հղում անելով Հյուսիսային Կորեայի պետական լրատվամիջոցներին։
ԿԺԴՀ իշխանությունները մինչ օրս պնդում էին, որ երկրում COVID-19 չկա։ Հյուսիսային Կորեայի Կենտրոնական հեռագրային գործակալության հաղորդմամբ՝ մայիսի 12-ին երկրում գումարվել է ԿԺԴՀ-ի Աշխատավորական կուսակցության կենտրոնական կոմիտեի քաղբյուրոյի նիստը, որին մասնակցել է ղեկավար Կիմ Չեն Ընը։ «Մեր երկրում, որը 2020 թվականի փետրվարից առ այսօր՝ երկու տարի երեք ամիս, համաճարակային իրավիճակը հսկողության տակ էր պահում, ստեղծվել է արտակարգ իրավիճակ»,- ասվում է հաղորդագրության մեջ։
Հյուսիսային Կորեայի լրատվական գործակալությունը հավելել է, որ Կիմ Չեն Ընը արտակարգ իրավիճակն անվանել է «հանկարծակի»։
«Երկրի բոլոր շրջաններում և քաղաքներում յուրաքանչյուրդ փակեք ձեր տարածաշրջանը և փակեք վնասակար վիրուսի տարածման ուղիները: Մենք կհաղթահարենք հանկարծակի առաջացած ճգնաժամը և անպայման կհաղթենք վիրուսի դեմ արտակարգ պայքարում»,- հանձնարարել է նա։
Նշվում է, որ մայիսի 8-ին Փհենյանում վերցված նմուշառումներով հայտնաբերվել է «օմիկրոն» շտամը։
Տաթև Ֆռանգյան
