15.01.2025 | 14:35
Մենք ենք բերել, մենք էլ ցտեսություն կասենք. քաղաքացին` իշխանությունների մասին․ ՏԵՍԱՆՅՈՒԹ
Եվրոպայում գազը թանկացել է Ուկրաինայից ստացվող լուրերի ֆոնին
Քաղաքականություն
11.05.2022 | 15:04
Եվրոպայում բնական գազը թանկացել է՝ հատելով 1000 խմ-ի դիմաց 1100 դոլարի սահմանը՝ Լուգանսկի շրջանում զավթիչների կողմից գրավված Սոհրանիվկա կայարանում Ուկրաինայի տարածքով ռուսական տարանցման մի մասի դադարեցման ֆոնին։ Այս մասին հայտնում է korrespondent-ը՝ վկայակոչելով Լոնդոնի ICE բորսայի տվյալները։
«Հունիսյան ֆյուչերսների գինը Նիդեռլանդների TTF հանգույցում աճել է մինչև 1124 դոլար՝ 1000 խմ-ի դիմաց կամ 103 եվրո՝ մեկ ՄՎտ/ժ-ի համար»,- ասվում է հաղորդագրության մեջ։
Ընդհանուր առմամբ, սակարկությունների սկզբից գազի ինքնարժեքն աճել է ավելի քան 4%-ով։
Նախօրեին Ուկրաինայի GTS օպերատորը հայտարարել էր, որ մայիսի 11-ից ֆորսմաժորային հանգամանքների պատճառով դադարեցնում է Սոհրանիվկա կայանով գազի տարանցումը դեպի Եվրոպա. ընկերությունը չի կարող վերահսկողություն իրականացնել Լուգանսկի շրջանի Նովոպսկովի սահմանային կոմպրեսորային կայանի նկատմամբ։
Տաթև Ֆռանգյան
