18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Վախճանվել է Ուկրաինայի առաջին նախագահ Լեոնիդ Կրավչուկը
Քաղաքականություն
10.05.2022 | 23:10
Երեքշաբթի օրը երկարատև հիվանդությունից հետո մահացել է Ուկրաինայի առաջին նախագահ Լեոնիդ Կրավչուկը։ Այս մասին, ՏԱՍՍ-ի հաղորդմամբ, Ukrainian News-ին հայտնել են քաղաքական գործչի ընտանիքին մոտ գտնվող աղբյուրները։
Նշվում է, որ 2021թ․ հունիսին Կրավչուկը սրտի վիրահատության է ենթարկվել, որից հետո քաղաքական գործիչը երկար ժամանակ կոմայի մեջ է եղել։ Ավելի ուշ Կրավչուկը վերականգնողական փուլ է անցել Մյունխենի կլինիկայում, ինչի արդյունքում նրա մոտ վիճակի «բարելավում» է գրանցվել։ Մինչ այդ՝ 2017-ին, նա ենթարկվել է անոթային ստենտավորման։
Լեոնիդ Կրավչուկը Ուկրաինայի նախագահ է եղել 1991-1994թթ․։ Բորիս Ելցինի և Ստանիսլավ Շուշկևիչի հետ ստորագրել է Բելովեժյան համաձայնագիրը, որից հետո ԽՍՀՄ-ը դադարեց գոյություն ունենալ։
2020 թվականի հուլիսից նա ծառայում էր որպես Դոնբասում իրավիճակի կարգավորման կոնտակտային խմբի նախագահ։
