28.06.2026 | 20:00
«Կյանքս կտամ», քարսիթ՝ ոչ. ինչու են ճանապարհին երեխաներ մահանում․ ՏԵՍԱՆՅՈւԹ
ՌԴ Ֆինանսների նախարարությունը կանխատեսում է ՀՆԱ-ի ամենաուժեղ փլուզումը 1994 թվականից ի վեր. Bloomberg
Քաղաքականություն
10.05.2022 | 22:14
Այս տարի Ռուսաստանի տնտեսությունը կարող է 12 տոկոսով անկում ապրել, ինչը վատագույն ցուցանիշն է 1994 թվականից ի վեր: Այս մասին գրում է Bloomberg-ը՝ վկայակոչելով ՌԴ Ֆինանսների նախարարության ներքին կանխատեսումը:
Գործակալության զրուցակցի կարծիքով՝ եթե կանխատեսումն իրականանա, ապա այս աշնանը ՌԴ-ն կզրկվի վերջին տասը տարվա ընթացքում գրանցած տնտեսության աճից:
ՌԴ Ֆինանսների նախարարությունը, ի պատասխան Bloomberg-ի հրապարակման, հայտարարել է, որ երկրի կառավարության ձեռնարկած միջոցները թույլ կտան «դադարեցնել պատժամիջոցների բացասական հետևանքները և ապահովել տնտեսության կայուն զարգացումը»։
Ռուսաստանի Բանկը (ՌԴ Կենտրոնական բանկ) ակնկալում է, որ 2022 թվականին Ռուսաստանի ՀՆԱ-ն կնվազի 8-10 տոկոսով։ Էկոնոմիկայի նախարարությունն էլ կանխատեսում է ՀՆԱ-ի 8,8 տոկոս նվազում բազային դեպքում, իսկ պահպանողական սցենարով՝ 12,4 տոկոսով։
Համաշխարհային բանկի կանխատեսումների համաձայն՝ 2022 թվականին Ռուսաստանում համախառն ներքին արդյունքի ծավալը կնվազի 11 տոկոսով։
S&P Global Market Intelligence-ի վերլուծաբանները կարծում են, որ Ուկրաինա ներխուժման պատճառով Ռուսաստանի դեմ սահմանված պատժամիջոցների ֆոնին ՌԴ տնտեսությանը 10 տարի կպահանջվի 2021 թվականի մակարդակին հասնելու համար։
Տաթև Ֆռանգյան
