08.06.2026 | 20:12
Էրդողանն ընդունել է Պոլսի Հայոց պատրիարքին
Ջո Բայդենը տեսակապով քննարկում կունենա Զելենսկիի ու G7-ի առաջնորդների հետ
Քաղաքականություն
10.05.2022 | 13:11
Կիրակի առավոտյան կայանալիք G7-ի ֆորումի շրջանակներում ԱՄՆ նախագահ Ջո Բայդենը տեսակապով քննարկում է ունենալու Ուկրաինայի նախագահ Վլադիմիր Զելենսկիի ու G7-ի գործընկերների հետ։ Այս մասին հայտնել է ԱՄՆ Ազգային անվտանգության խորհրդի խոսնակը, գրում է CNN-ը։
«Կիրակի առավոտյան նախագահ Բայդենը կմասնակցի G7-ի առաջնորդների վիրտուալ հանդիպմանը, որը նախագահում է Գերմանիայի կանցլեր Շոլցը: Առաջնորդներին կմիանա Ուկրաինայի նախագահ Զելենսկին»,- ասել է ԱԱԽ խոսնակը։
Հանդիպման օրակարգում կլինեն Ռուսաստանի դեմ պատժամիջոցները։
«Նրանք կքննարկեն Ուկրաինայի դեմ Ռուսաստանի պատերազմի վերջին զարգացումները և դրա գլոբալ ազդեցությունները, աջակցությունն Ուկրաինային և ցուցադրել G7-ի միասնականությունը մեր հավաքական պատասխանում, այդ թվում՝ նախագահ Պուտինին պատերազմի համար ծանր գին պարտադրելով», – ասել է խոսնակը։
Էմմա Չոբանյան
