07.02.2026 | 14:34
Ֆինն Գերագուսյանը հերթական գոլն է խփել «Սանդերլենդի» երիտասարդական թիմում․ ՏԵՍԱՆՅՈՒԹ
Եվրահանձնաժողովը հունիսին Ուկրաինային կպատասխանի ԵՄ-ին երկրի անդամակցելու դիմումին
Քաղաքականություն
09.05.2022 | 20:30
Եվրահանձնաժողովը հունիսին Ուկրաինայի՝ ԵՄ-ին անդամակցության դիմումի վերաբերյալ պաշտոնական պատասխան կտրամադրի։ Այս մասին հայտարարել է Եվրահանձնաժողովի նախագահ Ուրսուլա ֆոն դեր Լյայենը։ Եթե Բրյուսելը խորհուրդ տա Ուկրաինային թեկնածուի կարգավիճակ տրամադրել, և ԵՄ անդամ բոլոր 27 պետությունները համաձայնեն, ապա կսկսվեն ԵՄ-ին երկրի անդամակցության շուրջ բանակցությունները։ Այս մասին Ուրսուլա ֆոն դեր Լյայենը գրել է Twitter-ում։
Եվրահանձնաժողովի ղեկավարը տեսակոնֆերանսի միջոցով հանդիպում է ունեցել Ուկրաինայի նախագահ Վլադիմիր Զելենսկիի հետ Եվրոպայի օրվա՝ մայիսի 9-ի կապակցությամբ։ Ուրսուլա ֆոն դեր Լյայենը հայտնել է, որ մտքեր է փոխանակել Զելենսկիի հետ Ուկրաինայի հարցով G7-ի երկրների ղեկավարների հետ երեկ կայացած հանդիպումից հետո։
Հիշեցնենք՝ Վլադիմիր Զելենսկին հայտնել է, որ Ուկրաինան արդեն լրացրել է Եվրամիության անդամի թեկնածուի կարգավիճակ ստանալու հարցաշարի երկրորդ մասը։
Տաթև Ֆռանգյան
