28.06.2026 | 23:31
Ո՞ւր են ընտրությունների արդյունքներից դժգոհ մարդիկ․ Գալյանը՝ Վարդևանյանին. ՏԵՍԱՆՅՈւԹ
Շիրակի մարզպետը տեսակցել է արցախյան առաջին պատերազմի մասնակիցներին․ ԼՈւՍԱՆԿԱՐՆԵՐ
Հասարակություն
08.05.2022 | 16:24
Շիրակի մարզպետ Նազելի Բաղդասարյանն այսօր տեսակցել է արցախյան առաջին պատերազմի մասնակիցներ Արա-Գեղեցիկ Հայրիկյանին, Ջիվան Պետրոսյանին և Սերիկ Տոնոյանին։ Այս մասին տեղեկանում ենք Շիրակի մարզպետարանի մամուլի ծառայությունից։
«Դուք մեր պատմության փառավոր էջերը կերտողներն եք և մեր հաղթանակը ձեզանով ու ձեր մարտական ընկերների կյանքի, առողջության ու հերոսության գնով է եղել։ Դուք մերօրյա հերոսներ եք, ձեր օրինակով պետք է ապրեն ու դաստիարակվեն մեր սերունդները։ Ես գիտեմ` դուք երբեմն անտեսվածության զգացում կարող եք ունենալ, և նեղվելու, և զայրանալու իրավունք ունեք, սակայն վստահեցնում եմ` մենք գնահատում ենք հայրենիքի համար արված ձեր սխրանքներն ու խոնարհվում ենք ձեր ավանդի ու հայրենիքի համար կյանքը տված հերոս հայորդիների հիշատակի առջև» ,- հանդիպումների ժամանակ ասել է Շիրակի մարզպետը։
Արցախյան առաջին պատերազմի բովով անցած զինվորականները շնորհակալություն են հայտնել մարզպետին ուշադրության ու վերաբերմունքի համար և պատմել են պատերազմից, անցած մարտական հիշողություններից ու հուզմունքով հիշել ընկած ընկերներին։
