Մեկնարկել է «Քայլ դեպի տուն» ծրագրի հայտերի ընդունման փուլը

Մեկնարկել է «Քայլ դեպի տուն» երկշաբաթյա ուսումնաճանաչողական ծրագրի հայտերի ընդունման փուլը: Այս մասին տեղեկացնում է կառավարության մամուլի ծառայությունը։

Ամռանը Հայաստան գալու հնարավորություն կունենա մոտ 400 սփյուռքահայ: Ամենամյա ծրագրի նպատակը սփյուռքում մեծացողներին Հայաստան բերելն ու հայրենիքի հետ կապելն է:

***

Սփյուռքահայ պատանիների և երիտասարդների շրջանում ազգային ինքնության պահպանման և զարգացման նպատակով ՀՀ սփյուռքի գործերի գլխավոր հանձնակատարի գրասենյակը Հայաստանում իրականացնում է «Քայլ դեպի տուն» երկշաբաթյա ուսումնաճանաչողական ծրագիրը:

Ծրագիրը ներառում է՝

• 13-օրյա ճամբարային ծրագիր,
• հայոց լեզվի դասընթացներ (արևելահայերեն, արևմտահայերեն),
• հայրենագիտության դասընթացներ,
• ազգային երգ ու պարի դասընթացներ,
• ճանաչողական այցելություններ Հայաստանի պատմամշակութային կոթողներ, թանգարաններ, կրթական հաստատություններ, գյուղական համայնքներ,
• հանդիպումներ պետական, հասարարական, մշակույթի և արվեստի գործիչների հետ,
• մարզական և մշակութային միջոցառումներ:

Ծրագրի 13-օրյա ժամանակահատվածի բոլոր ծախսերը հոգում է ՀՀ կառավարությունը:

Ծրագրին կարող են մասնակցել 13-18 տարեկան ՀՀ քաղաքացի չհանդիսացող (բացառությամբ՝ երկքաղաքացիություն ունեցողների) սփյուռքահայ այն պատանիները և աղջիկները, որոնք՝

• նախորդ տարիներին չեն մասնակցել «Արի տուն» և «Քայլ դեպի տուն» ծրագրերին,
• իրենց հաշվին հոգալու են Հայաստան ժամանման և մեկնման տրանսպորտային ծախսերը,
• իրենց հաշվին ձեռք են բերելու երկշաբաթյա տուրիստական ապահովագրություն: 

Ծրագիրը կիրականացվի հունիսի 27-ից օգոստոսի 20-ը՝ 4 փուլով: Այս տարվա ծրագիրը նախատեսված է 400 սփյուռքահայ պատանիների համար: