07.10.2026 | 22:33
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
Պատասխան գործողություններով ադրբեջանական ստորաբաժանումների կրակը լռեցվել է․ ՀՀ ՊՆ
Հասարակություն
07.05.2022 | 17:14
Մայիսի 7-ին՝ ժամը 13։50-ի սահմաններում, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան ուղղությամբ տեղակայված ՀՀ ԶՈՒ մարտական դիրքերի, ինչպես նաև Սոթքի ոսկու հանքավայրի ուղղությամբ, ինչի հետևանքով հրազենային վիրավորում է ստացել հանքավայրի աշխատակիցներից մեկը։ Նրա կյանքին վտանգ չի սպառնում։ Այս մասին տեղեկացնում է ՀՀ ՊՆ-ն։
«Պատասխան գործողություններով ադրբեջանական ստորաբաժանումների կրակը լռեցվել է։
Ժամը 16։30-ի դրությամբ իրադրությունը հայ-ադրբեջանական սահմանին հարաբերականորեն կայուն է»,- ասված է հաղորդագրության մեջ։
Ավելի վաղ Factor.am-ը կապ էր հաստատել նաև «Գեոպրոմայնինգ գոլդ» ընկերության ներկայացուցչի հետ, որը տեղեկացրել էր, որ այս պահին հանքը դադարեցրել է աշխատանքները, աշխատակիցների անվտանգությունն ապահովելու համար նրանք տարհանվել են:
