15.12.2025 | 20:49
Ավտոբուսը յուղ էր վառում․ «Հայգեր»-ի վարորդը մեքենան վարել է անսարք վիճակում և չի զեկուցել. ՏԵՍԱՆՅՈՒԹ
Ադրբեջանական դիրքերից կրակ են բացել Սոթքի հանքավայրի ուղղությամբ. կա վիրավոր
Հասարակություն
07.05.2022 | 16:16
Այսօր վաղ առավոտյան ադրբեջանական կողմը կրակ է բացել Սոթքի հանքավայրի ուղղությամբ: Այս մասին Factor.am-ին հայտնեց Վարդենիս համայնքի ղեկավար Ահարոն Խաչատրյանը:
«Կրակ եղել է լուսադեմին, ժամը 6-ի սահմաններում: Աշխատակիցներից մեկը թեթև հրազենային վնասվածք է ստացել, նրան տեղափոխել են Վարդենիսի հոսպիտալ: Այս պահին իրավիճակը հանդարտ է, կրակոցներ չկան, աշխատակիցներին տարհանել են»,- ասաց Ահարոն Խաչատրյանը:
Factor.am-ը կապ հաստատեց նաև «Գեոպրոմայնինգ գոլդ» ընկերության ներկայացուցչի հետ, որը տեղեկացրեց, որ այս պահին հանքը դադարեցրել է աշխատանքները, աշխատակիցների անվտանգությունն ապահովելու համար նրանք տարհանվել են:
«Հենց այս պահին կրակոցներ չկան, սակայն դրանք սկսվել են երեկ երեկոյան, ինտենսիվ կրակը շարունակվել է նաև այսօր ցերեկը: Մեր աշխատակիցը վիրավորումը ստացել է ձախ ձեռքի շրջանում, ներքին օրգանների վնասվածք չունի: Այս պահին բժիշկները նրա վիճակը գնահատում են կայուն»,- ասաց Ռուզաննա Գրիգորյանը:
