28.06.2026 | 20:00
«Կյանքս կտամ», քարսիթ՝ ոչ. ինչու են ճանապարհին երեխաներ մահանում․ ՏԵՍԱՆՅՈւԹ
Թուրքիայում գնաճը վերջին 20 տարվա առավելագույն ցուցանիշն է գրանցել՝ հասնելով շուրջ 70 տոկոսի
Քաղաքականություն
05.05.2022 | 22:54
Թուրքիայում գնաճի մակարդակը, պաշտոնական տվյալներով, ապրիլին հասել է շուրջ 70 տոկոսի։ Այս մասին հայտնում են թուրքական լրատվամիջոցները՝ վկայակոչելով ազգային վիճակագրական ծառայությունը։
Այս ցուցանիշը, ի դեպ, երկրում վերջին 20 տարիների ընթացքում ամենաբարձրն է։
Մասնավորապես, սպառողական գների ինդեքսն ապրիլին տարեկան կտրվածքով աճել է 69,97 տոկոսով՝ մարտի 61,14 տոկոսի համեմատ։
Թուրքիան հիմա ամենաբարձր գնաճն է ապրում խոշոր զարգացող շուկաների և արդյունաբերական G-20 տնտեսությունների շրջանում։ Տնտեսագետները պնդում են, որ Թուրքիայի սոցիալական խնդիրներից շատերը կապված են Էրդողանի ոչ ավանդական տնտեսական ռազմավարության հետ, որը շատ օտարերկրյա ներդրողների հեռացրել է երբեմնի խոստումնալից զարգացող շուկայից:
Երկրում աննախադեպ գնաճը կապված է նաև լիրայի արժեզրկման հետ, ինչի հետևանքով զգալիորեն թանկացել է էներգակիրների ներմուծումը։
Էմմա Չոբանյան
