20.08.2026 | 20:37
Կարեն Սարուխանյանը և Անանիկ Ոսկանյանը «օդից փող» են հայտարարագրել․ Մեսրոպ Մանուկյան. ՏԵՍԱՆՅՈՒԹ
Ուկրաինա ներխուժումը սպառնում է խաթարել կայունությունն ամբողջ աշխարհում․ ամերիկացի գեներալ
Քաղաքականություն
03.05.2022 | 21:24
ԱՄՆ շտաբների պետերի միացյալ կոմիտեի ղեկավար, գեներալ Մարկ Միլլին հայտարարել է, որ աշխարհն ականատես է լինում «Եվրոպայի և, թերևս, աշխարհի խաղաղությանը և անվտանգությանն ուղղված վերջին տասնամյակների ամենամեծ վտանգին»՝ Ուկրաինա ռուսական ներխուժման պատճառով, գրում է CNN-ը։
«Ռուսական ներխուժումն Ուկրաինա սպառնում է խաթարել ոչ միայն Եվրոպական խաղաղությունն ու կայունությունը, այլև համաշխարհային խաղաղությունն ու կայունությունը, որը պաշտպանելու համար իմ ծնողներն ու ամերիկացիների սերունդներն այնքան ջանասիրաբար պայքարել են»,- ասել է Միլլին։
Նա նաև նշել է, որ ԱՄՆ-ն գտնվում է «շատ կրիտիկական և պատմական աշխարհառազմավարական շեղման կետում», որտեղ ԱՄՆ զինված ուժերը պետք է պատրաստ լինեն և արդիականանան ապագայի համար։
«Եթե մենք դա չանենք, ապա կվտանգենք ապագա սերունդների անվտանգությունը։ Մեծ տերությունների միջև միջազգային նշանակալի հակամարտությունների ներուժը աճում է, ոչ թե նվազում»,- հավելել է Միլլին:
Էմմա Չոբանյան
