20.08.2026 | 19:27
Մեզ դրա համար նստացնում էին, ձեզ՝ չէ․ Լիանա Մանուկյանը՝ ՔՊ-ականներին. ՏԵՍԱՆՅՈՒԹ
Թուրքիայի տնտեսությունը մոտ է պայթելուն․ ընդդիմության խոսնակ
Քաղաքականություն
03.05.2022 | 23:17
Թուրքիայի կառավարության քաղաքականությունը տնտեսության մեջ պայթյուն է առաջացնելու: Այս մասին հայտարարել է երկրի ֆինանսների նախարարի նախկին տեղակալ, գլխավոր ընդդիմադիր Ժողովրդահանրապետական կուսակցության խոսնակ Ֆաիկ Օզթրաքը։
Cumhurriyet-ին տված հարցազրույցում Օզթրաքը նշել է, որ Թուրքիայում ներկայիս գնաճը աշխարհում ամենաբարձրն է։
Նա նշել է, որ կառավարության՝ արժույթով պաշտպանված ավանդների սխեման, որը ներդրվել է անցյալ տարվա վերջին արժութային ճգնաժամի ժամանակ լիրայի կայունացման համար, «տարօրինակ է և չափազանց վտանգավոր» ու գանձապետարանի վրա միլիարդներ է արժենում, մինչդեռ կառավարությունը նաև հրաժարվում է հարկերից։
«Տարօրինակ բաներ են արվում, որոնք խաղահրապարակ են ստեղծում մինչև ընտրությունները։ Այս առումով նրանք հսկայական քանակությամբ արտարժույթ են վաճառում Կենտրոնական բանկի հետին դռնով։ Դա նման է դույլի մեջ ջուր լցնելուն, որի տակը անցք կա»,- ասել է Օզթրաքը։
Ըստ ընդդիմադիր գործչի՝ նախագահ Ռեջեփ Թայիփ Էրդողանն է նաև որոշում՝ ով գնի արտարժույթ, ով ներդրում անի և ով վարկ ստանա։
«Այն ինչ-որ տեղից կպայթի ու դոմինոյի արդյունք կունենա»,- ասել է Օզթրաքը։
Էմմա Չոբանյան
