07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Ամերիաբանկը ներկայացնում է նոր դիզայնով վճարային քարտերը
Տնտեսություն
30.04.2022 | 11:42
Ամերիաբանկը ներկայանում է վճարային քարտերի նոր դիզայնով, որոնք ստեղծվել են բանկի հաճախորդների «ձեռագրով»: Քարտերի դիզայնի նոր կոնցեպտի ամենավառ տարրը հայկական թագավորությունների, իշխանական տոհմերի զինանշաններն են:
Դիզայնի կոնցեպտի մշակման համար բանկը իրականացրել է մի շարք միջոցառումներ, մասնավորապես, բաց մրցույթ դիզայներների շրջանում, հարցումներ հաճախորդների շրջանում, քննարկումներ բանկի անձնակազմի հետ: Հաճախորդների պահանջները հասկանալու համար բանկը ստեղծել է ֆոկուս խմբեր բանկի հաճախորդների տարբեր սեգմենտների (տարիքային, սեռային, ըստ քարտերի օգտագործման տեսակների) մասնակցությամբ:
Հարցմանը մասնակցած կանանց 71%-ը և տղամարդկանց 72%-ը ցանկություն են հայտնել քարտերը տեսնել հայկական տարրերով: Միաժամանակ կանանց 59%-ը, իսկ տղամարդկանց 73%-ը ցանկություն են հայտնել ունենալ սև գույնի, մինիմալիստական, պարզ և դասական ոճի քարտեր:
Լսելով հաճախորդների կարծիքներն ու առաջարկությունները` Ամերիաբանկը մշակել է քարտերի դիզայնի նոր կոնցեպտ, որը մինիմալիստական է, պարզ, դասական և ունի վառ արտահայտված հայկական ինքնություն: Դիզայնի մշակման հիմքում դրված են այն կարևոր արժեքները, որոնք համընդհանուր են բանկի և իր հաճախորդների համար, մասնավորապես` աճը, կայունությունը, ժառանգությունը, ինքնությունը, վստահությունն ու զարգացումը:
Նոր քարտերին կարելի է ծանոթանալ տեսահոկովակում:
