25.06.2026 | 16:45
App Store-ից հեռացվել են VK-ն, «Одноклассники»-ին և Mail.ru-ն
Երևան-Մեղրի ճանապարհին մեքենան կողաշրջվել է, ապա՝ բռնկվել
30.04.2022 | 17:50
Ապրիլի 30-ին՝ ժամը 07։09-ին, Արարատի մարզային ճգնաժամային կառավարման կենտրոն ահազանգ է ստացվել, որ Երևան-Մեղրի ավտոճանապարհին` Մարմարաշենի կամրջի մոտակայքում, տեղի է ունեցել ՃՏՊ․ կան տուժածներ։Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Ինչպես տեղեկացրին ՀՀ ԱԻՆ-ից, պարզվել է, որ Երևան-Մեղրի ավտոճանապարհի 8-րդ կմ-ին «Opel» մակնիշի ավտոմեքենան (վարորդ` Խ․ Խ․) դուրս է եկել ճանապարհի երթևեկելի հատվածից և կողաշրջվել:
Մինչ փրկարարների կանչի վայր հասնելը, վարորդը և ուղևորներն ավտոմեքենայից դուրս են բերվել տեղի ուժերով, այնուհետև ավտոմեքենան բռնկվել է:
Հրդեհը մեկուսացվել է ժամը 07:28-ին, մարվել՝ 07:49-ին: Ավտոմեքենան այրվել է:
