Փաշինյանը հեռացե՞լ է ժողովրդից. Քաղաքացու մոռացված օրվա արժեքը․ ՏԵՍԱՆՅՈւԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

2018 թվականի ապրիլի 23-ին Սերժ Սարգսյանի հրաժարականը տոնելուց և իշխանափոխությունից հետո ապրիլի վերջին շաբաթ օրը պետական մակարդակով հռչակվեց Քաղաքացու օր։ Այն առաջին անգամ նշվեց բավականին մեծ շուքով։

2019-ին Նիկոլ Փաշինյանն անձամբ էր մասնակցում Քաղաքացու օրվա տոնակատարություններին, շնորհավորում անցորդներին ու նրանց հետ Երևանի կենտրոնում խորոված անում: Քաղաքացու օրը նշելու՝ հեղափոխական իշխանության հիմնավորումն այն էր, որ քաղաքացին իր պայքարով հաղթել է ժողովրդի քվեն տարիներ շարունակ կեղծող, հեռախոսային արդարադատություն հաստատած, կոռուպցիոն ճանապարհներով հարստացած իշխանություններին:

Երեք տարի անց քաղաքացիներից ոմանք այնքան էլ արդիական չեն համարում Նիկոլ Փաշինյանի նախկին հայտարարությունները՝ մատնացույց անելով իրենց ոտնահարվող իրավունքներն ու լսելի չդարձած ձայնը: Երևանի փողոցներում, սակայն, իրենց երկրի տերը համարող քաղաքացիներ էլ կան: Քաղաքացիները հատկապես մատնանշում են Նիկոլ Փաշինյանի՝ ժողովրդից հեռանալու փաստը:

«Ժողովրդավարական հարթակ» հիմնադրամի տնօրեն Գարեգին Միսկարյանի խոսքով՝ առաջին անգամ չէ, որ քաղաքական գործիչների կողմից ժողովրդահաճո ելույթներ են հնչում, ինչն իշխանությունը ստանձնելուց որոշ ժամանակ անց մոռացվում է:

Հեղափոխությունից մի քանի օր անց Նիկոլ Փաշինյանը վարչապետի պաշտոնում անձամբ էր հանդիպում կառավարության մոտ բողոքի ակցիա անող քաղաքացիների հետ և այսպես պատասխանում արձանագրմանը, թե քաղաքացիները ցանկանում էին ներխուժել կառավարական շենք․ «Իրենց դուռն է, կուզեն՝ կջարդեն, իրենց կառավարության շենքն է, ուզում են՝ կմտնեն»։

Իսկ ահա թավշյա հեղափոխությունից մի քանի տարի անց կառավարական շենքերից հեռու կարմիր բերետավորները բռնի ուժով և հարվածներ հասցնելով քաղաքացիների են բերման ենթարկում: Նրանք ընդամենը պայքարում են, որ իրենց բակի կանաչ տարածքը շինհրապարակի չվերածվի:

Քաղաքացուն հարգելը պետական մտածողության հարց է՝ նշում է Թումանյանի անվան տիկնիկային թատրոնի գեղարվեստական ղեկավար Ռուբեն Բաբայանը:

Քաղաքացու օր հռչակած իշխանությունից ակնկալվում էր հաշվետվություն ժողովրդին: Սակայն այս տարիների ընթացքում ականատես ենք եղել, որ կարևոր որոշումները հաճախ կայացվում են գաղտնի կամ չզեկուցվող նախագծերով, ինչպես, օրինակ, պաշտոնյաների աշխատավարձի բարձրացումը: Գարեգին Միսկարյանը նկատում է՝ հեղափոխական իշխանությունները կամաց-կամաց հեռանում են ժողովրդից:

Իշխանության ներկայացուցիչների մոտեցումների ֆոնին ընդդիմադիր գործիչներն էլ հաճախ աչքի են ընկնում, մեղմ ասած, ոչ հարգալից վերաբերմունքով քաղաքացիների ու նրանց իրավունքների հանդեպ։ Հայաստանի նախկին վարչապետ Վազգեն Մանուկյանը օրինակ, անցած տարի քաղաքացիներին «բոմժ» էր անվանել:

Ռուբեն Բաբայանի խոսքով՝ քաղաքացուն հարգելը յուրաքանչյուր քաղաքական ուժի պարտավորությունն է: Արվեստագետը նկատում է՝ ոչ թե օրացույցում պետք է տոներ ավելացնել, այլ քաղաքացուն հարգելը մտածելակերպ դարձնել:

Քաղաքացու դերն ու նշանակությունը կարևորող Նիկոլ Փաշինյանի՝ ժողովրդից հեռանալը, ի թիվս այլ քայլերի, դրսևորվում է նաև այն փաստով, որ վարչապետն այլևս չի շփվում քաղաքացիների հետ: Նա ֆեյսբուքյան լայվի միջոցով քաղաքացիների հետ այլևս չի զրուցում, պատահական նրանց բնակարաններ չի զանգահարում, նրանց չի այցելում, ինչպես անում էր իշխանության առաջին տարիներին, այն դեպքում, երբ հեղափոխությունը տեղի ունեցավ քաղաքացու նկատմամբ առավելագույն հաշվետվողականության կարգախոսներով։

Ի դեպ, Հայաստանում քաղաքացու տոնը պաշտոնապես նշվել է միայն մեկ անգամ՝ 2019-ին, իսկ դրանից հետո բարձր մակարդակով անգամ շնորհավորական ուղերձներ չեն եղել, ինչը 2020 և 2021 թվականներին արձանագրել էր Factor TV-ն:

Մանրամասները՝ տեսանյութում։

Նարեկ Կիրակոսյան