10.10.2026 | 14:28
ԵՄ-ն շնորհավորել է Երևանի 2808-ամյակը
Կարո Փայլանի դեմ Անկարայի դատախազություն դիմում է ներկայացվել՝ Հայոց ցեղասպանության ճանաչման օրինագծի համար
Քաղաքականություն
29.04.2022 | 20:13
Թուրքիայի խորհրդարանի ընդդիմադիր քրդամետ Ժողովուրդների դեմոկրատական կուսակցության հայազգի պատգամավոր Կարո Փայլանի դեմ արշավը շարունակվում է՝ օրենսդիր մարմնին Հայոց ցեղասպանության ճանաչման մասին օրինագիծ ներկայացնելուց հետո։ Թուրքական լրատվամիջոցների հաղորդմամբ՝ Refah Partisi կուսակցության կենտրոնական գրասենյակի համակարգող Իբրահիմ Գյոքը Փայլանի դեմ Հայոց ցեղասպանության ճանաչման օրինագծի համար Անկարայի դատախազություն է դիմել՝ քրեական գործի հարուցման համար։
Փաստաբան Գյոքը, որն այդ թեմայով հայտարարություն է տարածել, նշել է, որ Փայլանի ներկայացրած օրինագծով հրապարակայնորեն անտեսվել է Թուրքիայի Հանրապետության Սահմանադրությունը։ Նա նաև նշել է, որ Փայլանին պետք է հեռացնել կուսակցությունից։
Հիշեցնենք, որ թուրքական խորհրդարանի նախագահ Մուսթաֆա Շենթոփը, որը իշխող «Արդարություն և զարգացում» կուսակցության անդամ է, հետ էր վերադարձրել օրինագիծը՝ պնդելով, որ այն, իբր, դեմ է խորհրդարանի կանոնադրության դրույթներին։
«Նման առաջարկ ներկայացնելը կարող էր հնարավոր լինել Թուրքիայի սահմաններից դուրս գտնվող համարձակների աջակցությամբ։ Առաջարկը պետք է մերժվեր։ Այդպիսի վարքագիծը սադրանք է»,- ասել էր Շենթոփը։
Էմմա Չոբանյան
